煎豬扒前除左醃一醃,通常怕韌怕「鞋」,都會再用刀背鎚下塊豬扒,將纖維拍鬆

Uptop Bistro and Bar總廚Robin師傅,教多個對付勁厚豬扒的小秘技!

黃金比例

原來秘訣係啤酒!啤酒鬆肉常見於西餐,Robin師傅就習慣以1:1的份量,即係一斤豬扒對一罐啤酒,用黎浸豬扒半小時再煎焗,再厚身,入口都好鬆軟。

其他用法

啤酒仲可以用黎去羶味,所以燜羊肉時,可以加啤酒一齊煮。
德國人在炮製鹹豬手時,則愛用黑啤,因為它的糖份,可以令豬手皮更脆!

總廚Robin Chan
超過15年入廚經驗,功架紮實。Robin初入行為甜品廚師,曾於海景嘉福酒店及皇家太平洋酒店等高級酒店工作。其後於香港多間著名餐廳任職,包括Aberdeen Street Social、Linguini Fini、Posto Pubblico等,豐富的廚師經驗擴闊他於鹹點、熱葷等領域的知識。

 

更多豬扒食譜:洋蔥豬扒、酥炸豬扒、香茅豬扒

你或有興趣的煮食專題:2個步驟 煲出鮮甜濃湯

 

 

e-max.it: your social media marketing partner
第10屆樂活博覽及第7屆亞洲素食展於6月10日至13日假灣仔會展進行,今年會期增至4天,攤位更增至250個,雲集600人田十口個素食、綠色、天然及有機品牌。會場活動更多至100個。現場健康美食琳瑯滿目,筆者精選部份特別食品: 1   盛產水果農作物的土耳其,有優質的堅果、乾果等(E10攤位)    用椰子造的無鮮奶雪糕,可食可飲的椰子布甸(K11攤位)    非常特別的零食「即食鹹蛋」, 將傳統的食品現代化。攤位內還有糖藝師即時表演拉糖,這手藝已經被列入香港非物質文化遺產,參觀者不容錯過。(L03攤位)    近年流行素食肉類,主要都以大豆制作,今次就發現以磨菇、雞心豆為主力,配合不同蔬菜口味的素食肉,產品來自紐西蘭,有品質保證。(J21攤位)    台灣來的黑纖米和麵線,屬獨家米種,這款米低升糖、高纖維,喜歡台灣風味的要留意。(M11,M13攤位)    素食原味及麻辣牛肉乾,現在就連肉乾也有素食選擇(L06攤位)    家庭式梳打/汽水機,用家在家也可自製梳打水,汽量充足,而且不只適用於水,放果汁變有汽果汁,放酒可以打成有汽酒。(L20攤位)    純素湯品,十分有咬口的食湯,用料充足,可作代餐,如果仍不飽足可以再配上米餅一同進食,而且味道選擇亦頗豐富。(G05攤位)   巴西第一營養品牌,有蛋白朱古力,大量可作代餐的能量條等等。(K02攤位) 
2021-06-10,週四
香港,2021年5月24日–第7屆亞洲素食展於2021年6月10至13日(四至日)在香港會議展覽中心展覽廳3F舉行。今年展期增至4天,連同同場的樂活博覽,全場展位增加4成至近250個,雲集超過600個素食、綠色生活、天然及有機的品牌,現場活動大增至逾100個。今年展會通過豐富產品及大量體驗活動,為愛好素食及綠色生活的人士帶來#VEGcation,度過健康的周末。公眾選購心水產品之餘,更可參與連場DIY工作坊及精彩講座分享,更可享受一系列獨家素食餐廳折扣。250個展位,方便餐及素零食熱賣 展會繼續為觀眾帶來各種健康、素食及綠色生活產品。特色產品包括惹味素零食如PigOut無豬成分豬皮零食,Veggie Plates的「小炮竹」迷你春卷,方便餐如Common Good的OmniEat芝麻燒汁新肉絲米線,Sapori的即煮素食肉醬猫耳朵粉,及營養豐富產品如Organic MaMa的生酮天然有機果仁早餐等。 逾100場現場活動,文青必試 說起#VEGcation,當然不少得玩樂體驗。現場工作坊由手沖咖啡、炒咖啡豆、純素朱古力製作,環保手作,到在家種植及精油製作等,是文青必試的活動。而綠色生活專區則有健身教練劉紀君小姐及攝影師James Kwok分享健康及攝影技巧。 環保藝術布置,親身體驗物品重生 展會夥拍本地環保藝術家Agnes Pang在現場推出特色環保藝術布置,公眾可以一起貼上用完的樽蓋,貼上布置上並完成畫作,親身體驗棄置物品化身「蔬果」藝術品的過程!Agnes Recycles展位更會展出多件環保藝術作品及舉行環保藝術工作坊,教育公眾綠色生活的好處。 大量展商現場折扣,最低半價 #Shopping當然是#VEGcation的一部分!展會期間展商推出不同折扣,最低達半價。包括藍莓、紅菜頭等多種蔬果的果蓉套裝原價$250,特價$120(展位︰H20)。ECOSELECTS超濃縮抗敏環保洗衣紙買一送一(展位︰D13)等。XXX最低5折等。 20素食餐廳聯乘優惠,打卡必備 #VEGcation理所當然要食埋自助餐。展會與20家素食餐廳合作,憑現場派發的著數攻略,即於6月10至16日期間享受低至8折的素食餐廳折扣。一家大小滿載而歸再去開餐!今次參與的餐廳眾多,包括打卡精選素味謀麵、OVO Café,人氣自助餐走肉‧朋友、Innoveggie,創意素食如走肉蔬食研究所等。 全面防疫措拖觀眾安心參觀 亞洲素食展的主辦機構,一向視展商及參觀人士的安全和健康為的首要考慮。為保障安全及健康,我們將在展覽期間採取多項衛生措施,包括: 所有參展商及參觀人士在會場內必須佩戴口罩,否則將被拒入展館範圍。 主辦機構要求所有現場工作人員,包括參展商,在入場前進行冠狀病毒病核酸檢測,並需提供陰性結果證明短訊通知,才獲准進入會場工作。當值攤位人員及現場工作人員亦需填寫健康申報表。 所有入場人士可透過「安心出行」流動應用程式掃描於展場入口展示的二維碼;或填寫表格(提供姓名、聯絡電話、入場日期及時間),主辦機構會保存該記錄31日,以便有需要時讓衞生防護中心加快追蹤緊密接觸者。 展館入口設置體溫檢測站量度進場人士的體溫,任何人士出現體溫過高或呼吸道感染病徵,將被拒絕進入展館範圍。 主辦機構要求參觀人士在會展範圍排隊時保持一定距離;地上會貼有標誌提示排隊疏距。 主辦機構安排展館內、展館場外登記處等以PYRAMID®PhD寶衛美除菌消毒噴液裝置作空間消毒。 大會安排PYRAMID®PhD寶衛美除菌消毒噴液於會場各個位置,供在場人士消毒。 展場範圍(包括展位內) 不可飲食或提供試食。參觀人士亦不可攜帶外來食物進場,會展有指定地點提供餐飲服務。
2021-06-02,週三
有選擇困難症的朋友去幫襯新張的聰記車仔麵,一定好頭痕!因為實在太多選擇,單是麵底就有十三款、湯底又有七款,餸料甚至超過五十款。最低消費兩餸一麵都係$30,鮑汁花膠做餸都係$33!價錢平民化,難怪贏盡街坊掌聲。 聰記車仔麵老闆謝展聰一向從事飲食業,有感車仔麵極富香港特色,而且多空間發揮,例如餸料,蘿蔔、豬皮、芝士腸固然齊備,店內還有多款坊間少見的誠意之作,推介大家一試芫荽韮菜花餃,帶爽脆口感,清香味道亦相當出眾。嗜辣的話必試招牌辣肉碎及雲南腩肉,前者以半肥瘦豬肉炒製,精髓是加了香港少有的雲南醬同炒,香辣刺激。 另一賣點是鮑汁花膠,老闆透過朋友,以超值價買到花膠,他亦藉此機會益街坊,跟車仔麵點選,鮑汁花膠每份$12咋!滑溜彈牙,非常受女士歡迎。滷水餸料亦精彩,聰記的滷水汁,加了可樂提升鮮味,滷水膽又會每天加入新材料熬煮,味道更富層次,所以滷出來的金錢肚、大腸、雞翼、雞腎等,都帶醇醇的滷水陳香。 至於湯底,是熬了十多小時的鮮濃高湯膽,配上麻辣汁、腩汁、滷水汁、咖喱汁、沙嗲汁,即成惹味湯底。大家亦可選清湯或番茄湯,適合配不同餸料。別忘了吃麵時,加入自家炒製的菜脯,鹹香爽脆,愈食愈開胃。即日起至7月31日,凡惠顧全單九折,消費滿$50可獲贈招牌菜脯一樽。 聰記車仔麵 地址: 旺角廣華街2-20號翠園大樓二期地下8號舖   你或有興趣的文章: 【味之大賞 香港】用心製作 迎難以上 港原味 【陳家廚坊煲湯系列】雞腎、雞胗大不同 落腎煲湯有腥味  
2020-07-16,週四
煎牛扒好食,焗都唔差架!將肉與軟腍嘅肉眼扒切粒入爐焗,可以保留豐沛肉汁,用錫紙包住焗,更加係無油煙、易清洗! 材料: 愛爾蘭優質天然有機肉眼 227克 薯仔(新薯) 3-4個 紫洋蔥 半個 鹽 適量 胡椒粉 適量 新鮮百里香 1束 錫紙 適量 巴馬臣芝士碎 1/4 杯 煙肉碎 2湯匙 蔥花 適量 蒜蓉牛油 50克 蒜蓉牛油做法: 牛油 50克 蒜蓉 2湯匙 *蒜蓉牛油混合,放入微波爐加熱20秒至牛油熔化。 做法: 1. 肉眼扒抹乾,切塊,下鹽和胡椒粉,醃半小時。 2. 將一半蒜蓉牛油與肉眼扒拌勻。 3. 薯仔烚半小時,切角。紫洋蔥切碎,備用。 4. 把餘下的一半蒜蓉牛油,加入薯仔及洋蔥拌勻。 5. 預熱焗爐至200度。 6. 肉眼扒、薯仔、洋蔥、新鮮百里香用錫紙包好。 7. 放入焗爐焗15分鐘,反轉整個錫紙包,再多焗10分鐘。 8. 打開錫紙包,加入芝士碎再焗3分鐘。 9. 焗好後灑上煙肉碎和蔥花。   你或有興趣的文章: 【健康好煮意】開胃話梅山楂排骨 百變飯煲菜 蝦仁番茄豆腐湯  
2020-03-31,週二
Lunch Hour明顯多咗人叫外賣或帶飯,為咗冇咁悶,不時轉下口味咯!好似韓國即食雞肉品牌Rankingdak,推出咗好多叮叮雞肉新品,足不出公司,都可以食到小籠包、人蔘雞湯飯,在家工作都啱架! Rankingdak的食品主打健康、低脂、低卡,不過健康得來不減惹味,例如新品雞胸肉小籠包,有原味、泡菜味、燒肋骨味揀(各 $35),低脂雞胸肉餡唔肥膩,兼有彈牙口感,配薯粉製成的外皮,口感煙韌。 特別推介山蔘雞湯飯($79),有湯又有飯,湯底用雞腳熬煮,帶回甘味道,不過濃。配料是手撕雞肉、山蔘及初芽GABA糙米,有質感卻不鞋口,加上有熱湯飲,特別受OL歡迎。 如果只想加味佐飯好菜,醬汁雞胸片最適合不過,有番茄味、燒烤味、蒜味三款(各 $30),香濃又不會似柴皮,頗有驚喜。建議配搭杯裝蒟蒻米炒飯(各 $35),配料超多,可以揀不辣的蘑菇蒟蒻米炒飯,或特辣雞肉蒟蒻米炒飯,同樣好味。唔想叮,Rankingdak部份產品可以熱水浸同煎煮。   Rankingdak 網上商店: www.rankingdak.com.hk   你或有興趣的文章: 【健康好煮意】開胃話梅山楂排骨 開飯!日式薑蔥焗蠔飯DIY  
2020-03-27,週五
將軍澳Spot Mart同TKO Spot優化後全新登場!佢哋係區內唯一以健康生活及文化作定位嘅商場同街市,有得行、有得食仲又得玩。TKO Spot內的小食檔,更是焦點所在。因為優化後,場內引入多達50個小食檔,完全滿足為食一族嘅掃街癮。 食店選擇包括日式美食「日和屋」,親民價錢提供多款特色手卷,店舖更營業至深夜,是名符其實的「深夜食堂」。另有「師父仔」,各式地道街頭小食應有盡有,必試每日限量鮮製手工粉果,以及足料鯪魚肉煎釀三寶。甜品亦係不可少,「糖將軍」自家製嘅芋圓軟糯煙韌,主打台式甜品特飲,正中大家所愛! 至於鮮活街市Spot Mart,有專售本地及入口蔬菜的「恩田蔬菜」、提供各地無激素高質素肉品的「Mr Beef」,貫徹健康生活主題。細心留意,Spot Mart內加入了藝術元素,由插畫家Vivan Ho以新鮮和動感為題創作壁畫,為鮮活市場增添活力氣氛!   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒
2020-03-23,週一
一聽焗蠔飯,好似好複雜,其實烹飪新手都煮到,最緊要生蠔洗得夠徹底。記得添多碗飯,佢先係精髓,加咗蠔汁同煮,鮮味無窮。 材料: 日本廣島蠔2L(急凍) 10隻 米 360克  薑絲 20克  水 360克  鹽 適量 生粉 適量 醤油 3湯匙 清酒 3湯匙 味醂 2湯匙 蔥粒 適量    做法: 1. 米洗淨備用。 2. 用生粉及鹽搓洗生蠔,沖淨後印乾水分。 3. 水、清酒、味醂、醬油倒入煲內煮滾。 4. 加入生蠔,中火煮約3分鐘。 5. 蠔汁加入白米一同煮成飯。 6. 薑絲及生蠔置飯面焗10分鐘。 7. 加適量蔥粒在飯面作裝飾。   你或有興趣的文章: 速學!百搭橙香汁 啱配豬羊雞(附烤肉架食譜) 【女煮人Kinki系列】意式蕃茄一口多士  
2020-03-19,週四
位於台灣宜蘭的逢春園渡假別墅,不時為住客舉辦烹飪工作坊,教整特色美食。之前教大家整過棒打綠豆糕(食譜重溫),今次學埋南瓜慕絲蛋啦!營養豐富又易整,最適合同小朋友一齊DIY!   逢春園曾兩次獲得HotelsCombined全球旅宿卓越大獎、Tripadvisor優良民宿獎: https://fengchunvilla.com.tw/ 材料: 南瓜、沙律醬、芝士、芫荽 各適量   做法: 1. 蛋烚熟切半,取出蛋黃。 2. 南瓜蒸熟去皮。 3. 蛋黃、南瓜、芝士及沙律醬混合。 4. 把蛋黃醬唧在蛋白上,放一片芫荽裝飾。   你或有興趣的文章: 宜蘭民宿私房食譜 棒打綠豆糕 一「飯」煲搞掂 豉油雞翼蒜香飯  
2020-03-17,週二
如果煲湯材料有肉類,最好先汆水,煲走黏附在肉面嘅雜質同血污。汆水唔係就咁放舊肉入水就得嘅,要撇下泡,過埋冷河,而家Step By Step示範俾你睇啦!   1.熱水加入肉類 2.略滾後撇走水面白泡和雜質 3.夾起肉類過冷河   食譜: 海帶杞子豬骨湯 黑豆墨魚豬展湯 雞骨草蜜棗煲豬骨     你或有興趣的文章: 一「飯」煲搞掂 豉油雞翼蒜香飯 【陳家廚坊煲湯系列】煲湯落薑 去皮?連皮?  
2020-03-17,週二
用飯煲烹調菜式真係好方便,煮飯淥麵連滾湯都得,好似呢款蝦仁番茄豆腐湯,分次放入材料,滾番起就飲得!仲可以重溫用飯煲焗豉油雞翼兼煮飯(按此)或者煮日式咖喱烏冬(按此),一樣快靚正又香噴噴。 材料: 番茄 1個  豆腐 1/2盒  蝦仁 6隻(約60克) 蒜頭 2瓣  乾蔥(切片) 1粒 蔥(切粒) 1條 清水  500毫升     做法: 1.番茄、豆腐、蝦仁切粒。 2.開啟煮飯程式 加適量油。 3.放入乾蔥爆香。 4.加入番茄煮至軟身,加清水。 5.蓋上蓋焗煮10分鐘。 6.加入豆腐,滾起加入蝦仁。 7.滾2分鐘,落鹽調味。 8.烹調至煮飯程序完結。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-24,週二
上星期介紹過用飯煲焗豉油雞翼兼煮飯(按此重溫),今次用飯煲整咖哩烏冬,一樣快靚正又香噴噴,仲可以放喜歡嘅餸料一齊煮汁。 材料: 烏冬 1包 中型薯仔 1個 蘑菇 4粒 豆卜(切半) 4粒  小茄子 2個 蒜粒 2瓣 清水 750毫升 酒 適量 牛油 1角   調味料: 咖喱磚 2粒 白醋 1茶匙   做法: 1.薯仔洗淨、去皮、切粒。 2.茄子洗淨、切粒,浸於鹽水中待用。 3.蘑菇洗淨,切粒。 4.咖喱磚加少量開水拌勻至汁狀。 5.開啟煮飯程式,加適量油,爆香蒜粒。 6.加入牛油煮溶。 7.放入蘑菇,煮約30秒。 8.加薯仔、茄子炒勻,焗煮約1分鐘至滾起 9.加入豆卜及清水,蓋好蓋煮至滾起。 10.拌入咖喱汁,煮滾後加白醋調味。 11.加烏冬,蓋好蓋煮至程式結束。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-17,週二
羊扒唔一定配薄荷汁,醒胃嘅橙汁同羊味都好夾架,加上天氣濕黏黏的,一齊黎開開胃啦! 材料: 法式羊架 8支骨(約600克) 雜色燈籠椒 200克 蒜頭(切碎) 4瓣 蒜頭(切片) 4瓣 鮮橙(取汁)  3個 新鮮百里香 15克 海鹽 適量 黑胡椒 適量   做法: 1. 羊架用海鹽、黑胡椒醃透。 2. 燈籠椒切小塊。 3. 爆香蒜頭、燈籠椒。 4. 落鹽調味。 5. 熱油放入羊架,煎至外層轉色。 6. 預熱焗爐至180度,焗30分鐘。 7. 羊架回鑊,加蒜頭、百里香、橙皮。 8. 加入橙汁拌勻。 9. 伴橙汁品嚐。   你或有興趣的文章: 【女煮人Kinki系列】意式蕃茄一口多士 一「飯」煲搞掂 豉油雞翼蒜香飯  
2020-03-16,週一