沙田18主廚倪康健師傅今日跟大家分享的馬拉盞椰青燜滑雞,鮮味中帶點清香,

因為除了馬拉盞,還加入椰青條同炆!

材料其實並不複雜,主要包括雞肉、雞湯、椰青條。

不過要炆得好味,就要睇睇倪師傅的獨門貼士

貼士一:
他建議雞肉以新鮮的為佳,燒熱鑊後下油,加入乾葱、蒜蓉及馬拉盞,炒至香氣冒出,再加入已切件的雞肉同炒。

貼士二:
要保證雞肉嫩滑且多汁,秘訣係不可油炸或煎,必須以少量油生炒,這樣肉質材會鬆香軟嫩。

當雞肉炒至六七成熟,便可加入雞湯、椰青條、調味料一齊炆四至五分鐘。
可視乎個人口味加入青椒及紅椒,最後倒入生粉水,煮至收汁即成。
還有一個小貼士!最好選較嫩的椰青,它的甜味較突出,炒起來亦較易保留天然清甜味道。

 

下星期二,倪師傅會同大家分享點煮同點揀芥菜,See You!

 

倪康健師傅
香港沙田凱悅酒店沙田18主廚,擁有超過30年餐飲經驗,擅長烹調廣東及北方地道菜式。曾到台灣、上海、武漢及澳門等地擔任中菜主廚,因而精通不同菜系的精髓。最難忘是到日本為飲食集團開設當地第一間分店,並於5年間教導一眾日本廚師烹調正宗廣東菜餚。

 

更多雞肉食譜:番薯炆雞、柱侯雞、豆豉雞

你或有興趣的煮食專題:護肝!8大家常食療

 

 

 

e-max.it: your social media marketing partner
葷素兼備的韓國餐廳The Joomak,最近加入3款「韓式香港味」系列炒年糕:港式XO醬鐵鍋辣炒年糕、鮮磨沙嗲醬鐵鍋炒年糕、大澳蝦醬鐵鍋炒年糕,充滿香港味道。另有經典部隊鍋及2款純素葡萄酒,都值得一試。 除了創意新派菜,The Joomak的素食亦是另一賣點。今次同步推出全新純素葡萄酒,紅白素酒均來自意大利著名酒莊Barberan。以六個月時間來作重力沉澱以過濾酒渣,不含牛骨粉或蛋白等動物成分,果香依舊。現凡點選一枝素酒,餐廳更送你素炸雞一款,共三款口味:牛油果開心果炸雞(五辛素、蛋奶素)、韓式辣味素炸雞(純素)、芥末素炸雞(蛋奶素)。   The Joomak 地址:尖沙咀廣東道17號海港城海運大廈3樓LCX 34號舖 電話:2111 0851 大澳蝦醬鐵鍋炒年糕 $138 鹹香的大澳蝦醬同年糕原來相當合襯,配菜有洋蔥、翠肉瓜、鮮蝦,口感豐富。 港式XO醬鐵鍋辣炒年糕 $138 以四川辣椒作基調的韓國炒年糕麻辣帶勁,拌上XO醬、老干媽辣醬及辣椒乾,辣味再度昇華。麻辣年糕配上一口雞粒,層次不再單寡。 鮮磨沙嗲醬鐵鍋炒年糕 $138 餐廳自家製沙嗲醬,加上紅椒圈、紅洋蔥圈、本菇等提升香氣。菠蘿與炒年糕的搭配新鮮,香甜多汁,減低油膩感。 經典韓式肉食部隊鍋 $158 有齊新鮮豬肉、午餐肉、韓式年糕、辛辣麵等部隊鍋必備食材,最特別為加入了茄汁豆,慢火細煮,同樣入味。   你或有興趣的文章: 尖咀嚐鮮 創意甲羅燒 秋冬滋味蟹逅 5大精選  
2019-11-20,週三
冬天、聖誕、芝味、任食,四樣嘢加埋你會聯想到咩呢?小編就一定諗起PLAYT個「Merry "Cheese"mas」節日自助餐!廚師用上十多款唔同芝士,炮製出冷熱鹹甜中西美食,火鍋、Pizza、意粉、雪糕全都變得好「芝」味。另有即開生蠔、凍海鮮、壽司刺身等,快啲約定「芝」心好友訂位一齊過聖誕啦! 柏寧酒店PLAYT今年節日自助餐名為「Merry "Cheese"mas」,一睇就知啱晒芝士狂迷來品嚐。單是芝士菜式就有十幾款,仲未計海鮮、和食、中西菜、甜品架。傳統芝士菜第一時間諗起芝士火鍋、瑞士熱溶芝士,今次自助餐都有得食,大家可以選配蔬菜、法包、凍肉、海鮮等。記得留肚食其他,因為仲有四重芝士薄餅、芝士焗蠔、芝士龍蝦伊麵、芝士醬沙拉骨、燒鰻魚芝士卷、水牛城雞翼配藍芝士醬等緊你,全部都有唔同香濃味道。 同場亦為大家準備咗多款非芝士菜式,調劑一下味蕾,例如即開生蠔、波士頓龍蠔、麵包蟹、藍青口、慢烤牛肋骨、天婦羅、西冷牛扒、煎鴨肝、意式燴海鮮、螺頭燉雞湯、燒味、印度咖喱及烤肉。 甜品必食海鹽芝士雪糕,香而不膩。餐廳所有Gelota都是自己打製架,仲有茅台、楊枝甘露等口味,創意十足。點少得應節甜品,備有聖誕布甸、薑包朱古力心太軟、薑包木糠布甸,唔太甜,適合香港人口味! 11月30日前早鳥優惠: 24/12、25/12 成人$758元(原價$798)、小童$528(原價$568) 31/12 首場5:45pm至8pm:成人$628元(原價$648)、小童$388(原價$408) 次場8:30pm至11:30pm:成人$698元(原價$728)、小童$468(原價$488) *小童為3至11歲 地址:銅鑼灣告士打道310號柏寧酒店1樓PLAYT 電話:2839 3311   你或有興趣的文章: 尖咀嚐鮮 創意甲羅燒 黃大仙創意茶餐廳 食雞蛋仔Pizza  
2019-11-22,週五
海膽、三文魚籽、蟹肉、拖羅蓉等通常給製成美味壽司、手卷,尖沙咀的黑門水產深知要突圍而出,創意不可少!所以在日本學藝多年的廚師,把這些大家喜愛的日本食菜,變成生菜包、甲羅燒,帶來另類滿足感。 甲羅燒即以蟹蓋盛載食材,再放到爐上燒烘。黑門水產的甲羅燒甚多組合,例如嗜蟹的朋友,可以選試招牌黑門令蟹味噌甲羅燒,由松葉蟹膏、蟹籽、蟹肉、鵪鶉蛋組成,邊燒邊拌,香氣四溢。客人可以配梳打餅品嚐,又可以直接享用,配帶辣的蟹油炸蒜又頓時變惹味。另有全新出品赤鬼明太子蟹味噌甲羅燒,今次蟹膏配明太子、三文魚籽和蟹籽,佐以秘製辣番茄,同時提升鮮味與刺激度。   同樣是在客人面前,直接以小爐烹煮的菜式還有黑松露白汁磯燒帆立貝,香噴噴!另一款名為極上大漁貝燒,食材更豐富,包括海老、廣島蠔、帆立貝、三文魚籽和海膽,各有鮮味。其實磯燒帆立貝還可自選牛油味、海膽燒、蟹味噌燒、蟹油蒜燒,係咪花多眼亂呢! 創意推介一定是黑門令大漁生菜包,將黑蟹籽、三文魚籽、蟹籽、海膽、蟹肉、甜蝦、拖羅蓉等,以生菜包裹品嚐,爽脆鮮甜,十分滋味。介紹了多款海鮮菜式,此店的和牛亦相當多「粉絲」,例如火炙A5神戶和牛薄切,吃時配蛋黃、蔥花蒜蓉及特製醬油,肉香四溢。不妨配上活竹筒酒,客人可以用小鎚破開竹筒口,自斟自飲,更加享受。 黑門水產 地址:尖沙咀棉登徑8號地下3-4號 電話:2327 0128   你或有興趣的文章: 秋冬滋味蟹逅 5大精選 黃大仙創意茶餐廳 食雞蛋仔Pizza  
2019-11-18,週一
以革新港式茶餐廳文化為賣點的茶餐廳2.0,新分店進駐黃大仙。餐廳位置開揚,特設半露天茶座,食茶記都變得更有格調同講究。新店推出多款融合港式風味的國際美食,賣相精緻又抵食。更有不同口味特飲,特別推薦日本南瓜焦糖奶昔,入口有綿密的南瓜細蓉,混合日本牛奶及奶油,倍添奶香。 另有港式小食如雞蛋仔,店家亦不忘自創2.0版本雞蛋仔Pizza,一改Pizza傳統餅底,轉為雞蛋仔口感。面層澆上特製醬汁,食客可以隨個人喜好挑選黑松露醬野菌或千島三文魚款式。雞蛋仔外脆內軟,富濃烈蛋香,配上醬汁更入味。 茶餐廳2.0 地址︰黃大仙睦鄰街8號現崇山商場地下G1-G2號舗 電話︰2111 2568   你或有興趣的文章: 点心代表 x 熊本熊 可愛點心登場 秋冬滋味蟹逅 5大精選    
2019-11-08,週五
位於宜蘭的逢春園渡假別墅,曾兩次獲得HotelsCombined全球旅宿卓越大獎、Tripadvisor優良民宿獎。店家不時在民宿內舉辦「逢春廚娘」工作坊,讓客人學習製作台灣美食,今次分享的棒打綠豆糕,就是其中一款,即製即食,豆味香濃,而且入口融化。名為棒打,亦希望客人透過用木棒打壓綠豆,紓緩情緒壓力。 逢春園:https://fengchunvilla.com.tw/ 材料: 綠豆仁 300克 清水 300毫升 砂糖 100克 嘉應子 適量   做法: 1.綠豆仁洗淨,以熱水300毫升泡90分鐘。 2.用電鍋蒸煮約20分鐘,慢火燜10分鐘。 3.拌入砂糖,趁熱壓成泥,再分小份。 4.豆溶揉成糰子,中間放進嘉應子。 5.完成品每粒約25克,用模具定型。   你或有興趣的文章: 【陳家廚坊煲湯系列】果皮陳皮大不同 切絲煲湯最理想 【家常系列】 薯仔炆排骨  
2019-11-06,週三
蟲草花健脾益肺,又可以降膽固醇,煮餸煲湯都合適。今次用啖啖肉嘅雞扒配蟲草花、雲耳一齊蒸,整一道菜可以食到咁多材料,係咪方便先! 材料: 雞扒 1塊 蟲草花 1/3碗 雲耳 1/3碗 冬菇 8-10隻 薑絲 適量 紅棗 6粒 調味:油、鹽、糖、蠔油、胡椒粉、酒、豉油,各適量 做法: 1.雞扒去皮,用鹽洗淨,沖淨後切件。 2.雞件與薑絲、胡椒粉、酒及豉油調味。 3.冬菇浸軟、去蒂及切片。 4.浸發雲耳,用鹽洗刷後瀝乾水。 5.蟲草花用清水浸軟。 6.雲耳、冬菇、油、糖、蠔油拌勻。 7.加入雞件、蟲草花、紅棗蒸12分鐘。   你或有興趣的文章: 【女煮人Kinki系列】月見汁和牛粒飯 【家常系列】 薯仔炆排骨  
2019-11-05,週二
又到食大閘蟹嘅好時節,坊間大閘蟹菜式多不勝數,除咗散點菜式,又有大閘蟹宴,花多眼亂唔知點揀好,等我哋推薦俾你! 蟹粉拌墨魚汁拉麵 全港首創蟹粉拌墨魚汁拉麵,墨魚汁製成的拉麵非常爽滑,沾上香濃蟹粉,鮮味十足。烏黑旳拉麵鋪上金黃蟹粉,賣相吸引。另有蟹粉蛋白薑米炒飯,將薑剁成薑米,混和到炒飯中,薑米微辛,更顯得蟹粉鮮香。   翡翠拉麵小籠包 地址:銅鑼灣勿地臣街1號時代廣場B2樓B221A號舖 查詢:2506 0080 蟹粉餛飩湯麵 為自家招牌菜式添新意,說的是蟹粉餛飩湯麵,將蟹粉混入上海傳統餛飩湯麵內,變成香氣撲鼻的蟹粉湯底,與沾上蟹粉的素鵝一樣,味道層次升級! 上海姥姥 地址:銅鑼灣百德新街22-36號翡翠明珠廣場1樓Festiva 7號舖 查詢:2587 9118 鮮蟹粉鍋巴 在經典上海菜中加入時令蟹粉,例如上海小籠包加入手工生拆蟹粉製成小籠包,湯汁混合蟹膏黃油,香氣四溢。香脆可口的鍋巴也加了金黃蟹粉,蟹油滲入脆米中,甘香! 家上海 地址:大角咀海泓道1號奧海城三期地下G19-21號舖 查詢:2869 2228 蟹粉香煎日本溏心帶子 介紹大閘蟹,怎少得原隻清蒸,客人自選來自江蘇或北海道的大閘蟹,沾上特調醬汁,盡嚐大閘蟹獨有清香。蟹粉亦可當成海鮮絕佳調味,例如為溏心的鮮甜帶子配上鮮香蟹粉,口感一流。 大公館 地址:荔枝角長義街9號10F D2 Place One 查詢:2743 8055 大閘蟹套餐 大閘蟹套餐包括前菜、蟹皇翅、清蒸大閘蟹及淮揚蟹粉桂魚絲、生拆蟹粉等多款蟹粉菜,務求全方位滿足蟹迷! 十里洋場 地址:銅鑼灣恩平道28號利園二期101號舖 查詢:2338 5500   你或有興趣的文章: 点心代表 x 熊本熊 可愛點心登場 智能多功能煮食鍋 一煲搞掂3餐  
2019-11-04,週一
下個月差不多呢個時候就係聖誕節嘞,打算在家炮製聖誕大餐嘅朋友,可以開始搜集食譜兼練習下丫,呢款煙三文魚雜蔬薯糰賣相靚,唔難整,配埋個柚子蜜檸檬椰菜沙律,好啱成為節日餐。 送給愛下廚朋友嘅聖誕禮物,亦有好介紹!就係瑞士品牌 Victorinox 嘅 Swiss Modern 系列,備有唔同刀款,各有功能,最多用途係三德刀,可以切肉類、水果、蔬菜,因為刀身有坑槽,能減少刀同食材之間嘅磨擦,更順滑俐落,例如切椰菜絲,快靚正!除咗歐洲胡桃木刀柄,12月會有新色刀柄推出,改用合成物料,更輕身搶眼。   Victorinox專門店: 海港城/2175 5888 東薈城/2151 0911 銅鑼灣祟光百貨/2833 8334 材料: 意式薯糰 20粒 煙三文魚 3-4片 車厘茄 4粒 鹽 1茶匙 水 500毫升 雜蔬菜 適量 水 650毫升 調味料: 薑 1片 蒜頭 1片 砂糖 1/2茶匙 鹽 1/2茶匙 雞粉 1/2茶匙 牛油 5克 材料: 1.雜蔬菜洗淨切件,煲滾150毫升水,加入調味料及蔬菜。 2.蔬菜煮4分鐘,盛起。 3.煲滾500毫升水,下鹽及意式薯糰煮1.5至2分鐘。 4.煮至薯糰浮起,瀝乾水,淋上白汁。 5.佐以蔬菜及煙三文魚。 白汁: 煙肉 2片 洋蔥 40克 牛油 40克 低筋麵粉 40克 牛奶 500毫升 鹽 1/2茶匙 1.以小火炒煙肉和洋蔥10-15分鐘至焦糖化,取出備用。 2.牛油置鑊內加熱至融化 3.加入麵粉攪拌並煮至起泡,熄火。 4.牛奶分3次加入,攪拌至沒有顆粒。 5.中火煮醬汁至濃稠,加入煙肉、洋蔥,下鹽調味,備用。 椰菜沙律: 椰菜 80克 鹽 適量 檸檬 1/2個 柚子蜜1/2茶昆 黑胡椒 適量 初榨橄欖油 適量 1.用鹽洗刷檸檬,切薄片,再切約5mm三角形片。 2.加柚子蜜醃漬,餘下的檸檬榨汁,備用。 3.椰子葉和芯分別切開,再切幼絲。下鹽靜置,出水後以廚紙印乾。 4.已醃漬檸檬與檸檬汁、鹽和黑椒拌勻。 5.逐少加入初榨橄欖油拌至混合。 6.加入椰菜絲拌勻。   你或有興趣的文章: 自製花椒欖菜牛油 配牛扒一流  智能多功能煮食鍋 一煲搞掂3餐  
2019-11-20,週三
廚刀揸得好、揸得穩,切食材自然快靚正,亦可減少切親手嘅機會。刀具質素都好重要架,瑞士品牌 Victorinox 其中一個廚具系列 Swiss Modern,一直係愛下廚人士嘅心頭好,唔同刀款有唔同功能,例如切肉刀、麵包刀、牛扒刀、多用途廚房刀,仲有夠晒全面嘅三德刀,佢可以切肉、水果、蔬菜,因為刀身有坑槽,可以減少刀同食材之間嘅磨擦,咁就更順滑俐落啦!刀柄一向用歐洲胡桃木製成,12月會有新色推出,改用合成物料製成,輕身!摩登!型格!   Victorinox專門店: 海港城/2175 5888 東薈城/2151 0911 銅鑼灣祟光百貨/2833 8334 揸刀步驟: 1.拇指、食指先捏緊刀身近手柄位置。 2.餘下的3隻手指收在後面,握緊刀柄。   你或有興趣的文章: 【陳家廚坊煲湯系列】果皮陳皮大不同 切絲煲湯最理想 智能多功能煮食鍋 一煲搞掂3餐  
2019-11-04,週一
東涌東薈城陸續有餐廳進駐,仲有個設計甚有特色嘅美食廣場Food Opera添,佢採用公共屋村、棚架等富本土特色嘅事物作為裝修主軸,好有親切感架。除咗人情味濃嘅用餐環境,仲可以食到米芝蓮級菜式! 場內有韓國屋、胡椒廚房、一本日式蛋包飯等日韓食店,加埋米芝蓮推介食府,就更有睇頭。例如連續9年獲選為米芝蓮推介食店嘅「泰潮」,由泰國廚師主理,招牌菜不能不介紹泰式滷水豬髀飯,滷水汁用十多種泰國香料調製成,完全滲入肉厚腍滑的豬後髀,豬皮爽彈不肥,再配上泰式酸菜和酸辣汁,十分醒胃! 另一人氣食府「天后站清湯腩」,由蘇師傅主理,有他助陣嘅清湯腩小店曾獲米芝蓮美譽!他後來自立門戶,親自嚴選優質食材,製岀濃而不膩的清湯腩。清澈湯底由紅棗、沙參等藥材熬製,牛味香濃的牛腩爽口有彈性,配白飯一流!還有特色崩沙腩擔擔麵,同樣肉質鮮美。 想品嚐更多東南亞風味,推介「三巡小廚」。「三巡小廚」一直創作岀多款創新南洋料理,例如海南雞鴛鴦雞飯套餐,飯餐一如既往配上蔥油飯和當歸雞湯,不過主菜變成傳統海南雞拼燒雞,一款口感嫩滑,一款表皮香脆,再沾上秘製醬汁,滋味雙倍!中式名點有首次進駐美食廣場嘅「御名軒」,經營超過廿七年,於天后總店為區內人所熟識。招牌蟲草花蒸雞飯,份量十足,選用無骨雞脾肉,鮮嫩且啖啖肉!   東薈城名店倉食代館Food Opera 地址:東涌達東路18-20號東薈城名店倉7樓704號舖 電話:2169 0791   你或有興趣的文章: 点心代表 x 熊本熊 可愛點心登場 蕃茄達人來了 東京健康沾麵店  
2019-11-01,週五
熊本縣吉祥物熊本熊誕生10週年,最近與香港「点心代表」聯乘合作!餐廳除了換上熊本熊的主題設計裝飾,連餐具都印上熊本熊部長的頭像。主角熊本熊紅黑造型點心,部份用上熊本縣入口的食材,順道推廣熊本縣的天然特產。 11款菜式、飲品鹹甜冷熱都有齊,特別介紹「金箔墨汁蝦餃」,蝦餃皮以墨魚汁和竹炭粉整成純黑的顏色,皮薄煙韌,有淡淡墨魚香氣。而餡料則用上原隻越南大蝦、豬肉及秘製豬油渣,湯汁滿滿,沾上秘製辣椒油,滋味加倍!另有「香煎熊本芋絲餅」,新鮮日本芋頭,加入蝦米、臘腸等配料,金黃的芋絲餅帶有臘香,香脆可口。日本匠人對烹飪要求一向高,所以多款點心上的圖案,都堅持由師傅精心繪製,每個都獨一無二,例如「熊本蜂蜜流心西多士」上的糖霜餠乾就是師傅的作品,大家要用心品嚐呀! 為配合主題,新特飲亦不少,其中「水果烏龍茶」以熊本熊特色凍杯盛載,大家可以$99優惠套裝價,直接將限量凍杯帶走。為了推廣環保,實踐走塑概念,餐廳會免費送岀熊本熊不銹鋼飲管套裝,不過只限首批顧客,並且限量500套,送完即止!   点心代表 地址:尖沙咀彌敦道100號The ONE 3樓L308號鋪 電話:2885 1345   你或有興趣的文章: 蕃茄達人來了 東京健康沾麵店 亞洲首間The Tiffany Blue Box Cafe 尖沙咀登場  
2019-10-24,週四
薯仔炆排骨係十大家常好菜之一(哈!其餘九大自己諗),簡單三樣材料就煮到,經濟實惠又易煮,點會唔受歡迎丫! 材料: 排骨1斤 洋葱1個 薯仔3個   做法: 1.排骨沖淨汆水,抹乾水分,備用。 2.下鹽及豉油略醃。 3.洋葱、薯仔去皮後切小塊。 4.熱鑊下油,分別爆香薯仔和洋葱。 5.熱油爆香薑和排骨。 6.加適量清水炆煮。 7.加入薯仔炒勻,下蠔油調味。 8.加洋葱炒勻,再略為炆煮即可享用。   你或有興趣的文章: 【女煮人Kinki系列】月見汁和牛粒飯 【1分鐘烹飪教室】香草醬汁T骨扒  
2019-10-23,週三