幾乎每個日本家庭都必備一個整蛋壽司(焼き卵)既煎Pan,
我自己都有一個,但整黎整去都失敗。
最終,我問一位日本媽媽有咩秘訣,原來簡單到飛起,
而家老公成日叫整黎做Lunch添。
做法:
1.先搞好蛋漿,然後放入你鍾意既材料。我老公鐘意蟹柳同蔥,所以差唔多次次都有加。
2.然後將撈好既蛋漿倒入煎Pan,好似平時炒蛋咁兜熟佢。
3.之後將熟左既蛋推到Pan既頂部,係Pan較底部空出黎既位置,倒多層蛋漿落去。
4.熟左之後複向前,咁原本既蛋就會多一層嘞。
5.如是者重複推上、倒入蛋漿,差唔多第四層啦!就可以收工,上碟享用。
你就會發現D蛋好有層次架啦,最重要係賣相得體。
By the way 如果唔怕肥加北海道3.6牛奶落蛋漿度更好食。