「找素」推介！尖沙咀$68素食放題
素食店2DP新出素食放題，超過50款菜餚任點任食，而且極富地方特色，東南亞、日本、中西風味都有齊。加$10仲可以任食甜品同飲養生特飲，清爽、惹味、滋潤、凍的、熱的叫你大飽口福！
myCOOKey推介俾你啦！首選惹味小食，例如沙嗲串燒、炸竹春卷、炸素香卷、酥炸花枝素扒，全部都好香口。如果頭盤想食沙律，就不能錯過柑肉車厘茄沙律，柑肉清甜，好醒神！主菜有飯又有麵食，而家天氣凍，肉骨茶湯麵份外受歡迎，湯底帶藥材味，又香又濃。茄汁素豬扒飯亦搶眼，厚厚的素豬扒，食落肚零負擔。其他選擇包括冬陰功湯麵、沙茶醬肉碎意粉、粟米炸魚柳飯，60分鐘內試唔試得晒全部呢？
飯後甜品亦為大家預備好，雪糕、水果、豆腐花，以及皇牌抹茶蕨餅及木瓜糖水。另有兩款特別設計嘅飲品：洛神花薄荷橘子特飲、玫瑰菊花大棗茶，加$10，全部都可任意品嚐。其實素食對健康、對環境都有好處，不妨間中來「找素」呀！
60分鐘素食放題午餐
收費：$68/位(免加一)
時間：12:00nn-5:30pm(5pm最後下單、5:30pm前離座)
地址：尖沙咀厚福街12至12號A藍馬商業大廈地下
電話：3705 9590
你或有興趣的文字：
約BROWN & FRIENDS打卡、打邊爐！
嘆香檳龍蝦魚子醬 節日Buffet夠氣派
2019-12-11,週三
【十二道芝味】第二季開拍嘞！
面包台飲食節目【十二道芝味】，「煮」持劉晨芝每集都邀請唔同嘉賓好友講飲講食兼下廚，內容豐富，望住啲菜式，隔個Mon都想食呀。最近第二季正式開拍，好期侍呀！新一季仲可以响myCOOKey睇到，大家密切留意播影日期嘞！
重溫【十二道芝味】
你或有興趣的文章：
現成飯糰點揀好 營養師3大指引
【家常系列】蟲草花雲耳蒸雞肉
2019-12-09,週一
約BROWN & FRIENDS打卡、打邊爐！
LINE FRIENDS迷最近又多個打卡熱點！牛涮鍋與LINE FRIENDS合作推出BROWN & FRIENDS主題美食，湯底、鍋料都有他們可愛身影。場內又有不同BROWN & FRIENDS FLOWERY DAY主題打卡位，又要食又要影，好忙呀！
期間限定湯底共兩款，都用了BROWN最愛吃的三文魚作主料，例如三文魚牛乳湯，紅蘿蔔、洋蔥配三文魚，鮮味無窮。另一款是2月2日才登場的三文魚味噌湯，同樣有三文魚蓉，不過帶日式風味。每款湯底會附送三張BROWN & FRIENDS米紙給大家放進湯底，打卡一流。限定湯底配上「90分鐘極尚滿足放題套餐」的鍋料，更是幸福感滿滿！套餐內有日本和牛一份、美國SRF和牛一份、時令海鮮盛合，內有青口、廣島蠔、帆立貝等六款海鮮。另可任添丹麥豚肉和美洲特選雞腿肉，總之就肉類、蔬菜、海鮮都有齊。
今次新推廣，精品亦是賣點之一！選擇又多又靚，例如惠顧「90分鐘極尚滿足放題套餐」，加$48可以換購BROWN或CONY造型的「漸層豉油碟」一隻。推廣期內惠顧任何食品每位滿$150，又可以換購不同禮品：SHABU SHABU CARD套裝(加$50)、火漆印套裝(加$148)、多用途日式風呂敷套裝(加$48)。1月2日起，更有機會換購郵票套裝、青花瓷碗碟，粉絲密切留意！
Mou Mou Club牛涮鍋
旺角MOKO店：3184 0384
奧海城店：2702 8268
銅鑼灣世貿中心店：2882 7811
你或有興趣的章：
【女煮人Kinki系列】溫泉蛋牛油果煙三文魚他他
嘆香檳龍蝦魚子醬 節日Buffet夠氣派
2019-12-06,週五
繽紛白色聖誕 節日Buffet海鮮吃不停
今個聖誕，都會海逸酒店以Snowy Jolly Christmas繽紛白色聖誕為主題，將四周佈置成夢幻雪國！西餐廳更於節日期間，於70米長的自助餐桌上，奉上超過200款矜貴又滋味的國際佳餚，其中15款海鮮菜式是不能錯過的主打美食！現送出都會海逸酒店雙人自助晚餐券給myCOOKey粉絲，名額2個，立即Click入我哋Facebook（按此）了解詳情！
海鮮選擇包括美國和法國兩款即開的肥美生蠔、冰鎮熟龍蝦、雪花蟹腳、麵包蟹、凍蝦、翡翠螺及青口等。刺身亦多達8款選擇，海膽、帶子、油甘魚、劍魚腩、三文魚、吞拿魚、八爪魚及甜蝦，均會源源不絕送上。
熱辣辣、香噴噴的海鮮熱盤亦肯定叫你垂涎三尺，而且不乏節日限定菜式！包括全新創作菜韓式甜辣醬龍蝦，龍蝦肉鮮爽，辣味與蒜香共治一爐。XO醬蒸九孔鮑魚亦精彩，鮑魚蒸得恰到好處，彈牙又惹味。另有北海道3.6牛奶蛋白蒸帶子、牛油鹽燒松葉蟹腳、磯煮翡翠螺等，都值得一試！
介紹完一系列海鮮菜，肉類及其他中西菜式同樣多選擇。鐵板厚燒和牛、應節原隻燒火雞、乳豬鍋巴屬必吃推介，即製的煎鴨肝、炸天婦羅、生滾粥亦獲一致好評。
節日甜品的精緻度，成為了自助餐的打卡首選，為了配合夢幻雪國主題，糕餅總廚更特別設計出多款雪人甜品：雪人棉花糖杯子蛋糕、歡樂小雪人蛋糕、立體雪人蛋糕，為大家帶來更濃的節日氣氛。向來是熱門之選的榴槤脆酥、芒果拿破崙、Häagen-Dazs，亦會繼續源源不絕供應。
現凡惠顧平安夜自助晚餐、聖誕日自助午餐或自助晚餐，再讚好酒店Facebook專頁，每枱可獲贈法式曲奇品牌ISABELLE禮盒一份，送完即止。現於eShop (按此) 預購指定時段之節日餐券，可享高達9折優惠，詳情請致電餐廳查詢。
西餐廳「節日海鮮自助晚餐」
平安夜(24/12)
首輪—5:30pm-8:00pm
次輪—8:30pm-11:00pm
價錢：成人$868、小童$668
(需預購餐券、聖誕禮物、聖誕老人、現場樂隊表演)
聖誕日(25/12)
首輪—5:30pm-8:00pm
次輪—8:30pm-11:00pm
價錢：成人$808、小童$608
(需預購餐券、聖誕禮物、聖誕老人、現場樂隊表演)
大除夕(31/12)
首輪—5:30pm-8:00pm
價錢：成人$638、小童$438
次輪—8:30pm-11:00pm
價錢：成人$938、小童$718
(需預購餐券、現場樂隊表演)
＊以上價目需另加一服務費（以原價計算）
地址：紅磡都會道7號都會海逸酒店
電話：3160 6880
你或有興趣的文章：
【佳節煮好菜系列】煙三文魚雜蔬薯糰配沙律
【女煮人Kinki系列】溫泉蛋牛油果煙三文魚他他
2019-12-11,週三
嘆香檳龍蝦魚子醬 節日Buffet夠氣派
萬麗咖啡室聖誕自助晚餐，超值驚喜浪接浪！凡四位或以上惠顧，每位加$200，即可享用矜貴魚子醬（每位10克）、Perrier-Jouet Grand Brut名牌香檳一枝。唔飲香檳，可以改嘆魚子醬及12吋長、超巨型Stockyard金牌黑安格斯斧頭肉眼牛扒（約兩公斤），食自助餐都可以好有氣派架！
應節食品如烤火雞、烤牛肋骨、蜜汁烤火腿全都齊備，當然唔少得即開生蠔、新鮮蒸焗龍蝦、阿拉斯加蟹腳等。刺身亦加碼，肥美拖羅、北海道帶子他他將源源不絕供應。食精緻節日甜品法式栗子蛋糕、樹頭朱古力蛋糕、聖誕麵包布甸時，一定要嘆埋節日限定嘅70%熱朱古力，同親朋友好共度甜美時刻！
香港萬麗海景酒店同步推出佳節住宿美饌套餐，即日起至12月29日，只要用優惠碼「D60」預訂12月1日至12月30日住宿Package，除咗住房，仲包埋雙人早餐(價值$536)、Mirage Baar & Restaurant雙人四道菜晚餐(價值$1,036)，亦可選到萬麗咖啡室享用自助餐(價值$1,336)，Package$2,388起，12月24及25日入住，都係$2,488，記得用優惠碼呀！
聖誕節前夕及聖誕節 – 12月24日及25日
自助午餐：12pm - 2：30pm
成人$568、小童(3-11歲)$348
包括果汁及汽水、派對禮品及聖誕老人將會驚喜現身。
成人$888＊額外享用一枝香檳及50克魚子醬供兩位賓客享用
自助晚餐：5:30pm - 7:45pm，或8:30pm - 11:00pm
成人$738、小童 (3-11歲)$438
包括果汁及汽水、派對禮品及聖誕老人將會驚喜現身。
成人$938＊額外享用金牌黑安格斯斧頭肉眼牛扒（約兩公斤）或一枝Perrier-Jouët Grand Brut香檳供四位賓客享用，及每位賓客10克魚子醬（最少四位起）
地址：灣仔港灣道一號香港萬麗海景酒店萬麗咖啡室
電話：2802 8888
＊另加$138可暢飲精選生啤及紅白酒
你或有興趣的文章：
尖咀嚐鮮 創意甲羅燒
city'super好食好玩 聖誕Fun享
2019-12-02,週一
【冬日食譜】鮮菇臘腸肉片煲仔飯
凍嘞！凍嘞！又開始蠢蠢欲動想食煲仔飯，自煮好易架咋，準備好臘腸、冬菇、肉片、白米未？一齊睇學咯。
材料：
白米 100克
清水 200克
菜心 3棵
臘腸或膶腸 1條
肉片 5-6片
冬菇 4-5隻
紹興酒 適量
煲仔飯豉油 適量
做法：
1.肉片加紹興酒拌勻，臘腸切片。
2.瓦煲內加入白米及清水待10分鐘。
3.大火煲滾白米，煮至七成熟，加入餸料。
4.加蓋後調至慢火，再焗煮15分鐘。
5.菜心洗淨放飯面，加蓋煮至熟透。
6.淋上煲仔飯豉油，即可品嚐。
你或有興趣的文章：
【陳家廚坊煲湯系列】陳皮切絲煲湯最理想
【家常系列】蟲草花雲耳蒸雞肉
2019-12-01,週日
免費門票等你拎！12月工展會即將開鑼
每年都極期待工展會呢個多嘢食、多嘢買、節目超豐富嘅大型活動！今年場內有超過700個攤位，分為至少10個主題區，大家可以全方位盡享購物樂趣。今年大會仲有慈善拍賣會，拍賣品有過萬元嘅按摩椅、名貴鮑蔘福袋、酒席及家電等，好豐富！全部以一折起拍，可以做善事又買到筍貨，點可以錯過呀！而家完成指定步驟，即有機會獲贈每位4張「第54屆工展會」門票，立即Click入myCOOKey Facebook（按此）了解詳情！
「第54屆工展會」詳情
日期：
2019年12月10日至30日(上午11時至晚上8時)
2019年12月31日(上午11時至下午6時)
地點：銅鑼灣維多利亞公園
門券：$8/位(身高1米或以下小童、65歲或以上長者及殘疾人士免費進場)
大會網址： www.hkbpe.com.hk
查詢電話：3421 2012
你或有興趣的文章：
【家常系列】蟲草花雲耳蒸雞肉
【女煮人Kinki系列】溫泉蛋牛油果煙三文魚他他
2019-12-03,週二
現成飯糰點揀好 營養師3大指引
近年流行小巧又美味的現成飯糰，並廣受上班族歡迎。資深營養師潘慧德也認同，跟外出用膳相比，現成飯糰會是較健康的選擇，因為飯糰往往油份較少，不會以煎或炸的方式製作，某些款式更會以全穀物如十穀米、五穀米、紫米等製作，這些都是在家中或一般餐廳較少機會吃到的食材。
飯糰配料種類繁多，潘慧德表示，揀選時需留意餡料的鹹度及油膩程度，例如含有肉鬆的飯糰，味道會較鹹，建議選購含有鮮肉如燒雞肉、燒魚等的飯糰，較為健康。至於油膩度，以炸物如炸豬扒、炸蝦等作配料的飯糰會較油膩，以燒三文魚或烚蛋等配料製作的飯糰，油份則較少。
另外，飯糰採用的米類也是健康指標之一，選擇得宜可以大大提高纖維量的吸收。她說最理想是選購十穀或雜穀製成的飯糰，其次是以糙米、紅米製造的飯糰，至於純白米飯糰應是最後選擇。
不少朋友愛以飯糰作正餐，潘慧德提醒大家，或許兩個飯糰當作一餐才會「夠飽」，但肉類和蔬菜偏少，營養不夠均衡，她建議以飯糰作正餐，應配合其他蔬菜或蛋白質較高的餸菜同吃，才能組成一頓營養均衡的膳餐。
你或有興趣的文章：
營養師教路 益生菌助皮膚排毒
中醫分享 感冒初癒黃芪水煲粥養胃
2019-11-28,週四
【一人簡餐】30秒學整芝味蛋多士杯
只需準備麵包、雞蛋、芝士三樣材料，連調味都不用，方便！有營養！
材料：
麵包1片
雞蛋1隻
芝士1片
錫紙
做法：
1.錫紙摺成碗形。
2.麵包放進錫紙碗。
3.加一片芝士，加入雞蛋。
4.放入焗爐焗10-20分鐘。
你或有興趣的文章：
【女煮人Kinki系列】溫泉蛋牛油果煙三文魚他他
【1分鐘烹飪教室】酸辣泰式西冷牛扒沙律
2019-11-25,週一
city'super好食好玩 聖誕Fun享
開聖誕Party所需嘅美酒佳餚、烹調神器，又或者送俾大人細路嘅特色聖誕禮物，city'super都已為你準備好，一齊去Shopping咯！
city'super已為大家搜羅來自世界各地的美食，今年的聖誕派對你可以盡顯身手！重點推介「西班牙塞哥維亞急凍原隻乳豬」，熟後皮脆肉嫩。另有約3公斤的原隻「西班牙塞哥維亞燒乳豬配法國牛肝菌炒雜菇」，用它來代替火雞，看頭十足！還有「美國冰鮮長期飼安格斯有骨肉眼斧頭扒」，份量十足。
海鮮一向受歡迎，所以準備肉類之餘，別忘了入手「U15煮食用帶子」、法國「聖米歇爾灣PDO藍青口」、「新鮮生蠔」，仲有「澳洲G51小鱗犬牙南極魚塊」，來自澳洲南極洲領地附近冰川野生捕獲兼屬於可持續海鮮，值得支持架！連食咩都唔想煩？可以訂購足夠8至10人享用嘅「Best of city'super」派對套餐，共十一款美食，包括Ossetra魚子醬、乳豬、火雞、鵝肝、斧頭扒、蛋糕、蔬果及名釀，超方便！
如果只係開小型派對，可以考慮TOKU TOKU唔同款色同功用嘅小食製作機，與眾同樂！例如爆谷機、迷你電子氣炸鍋，其中有個直立自動旋轉串燒機，將肉類、蔬菜放入去烤烘，火力恰到好處，Juicy又軟嫩，而且好快有得食。作為聖誕禮物，夠晒實用。
講起禮物，送禮物俾愛下廚嘅朋友，除咗廚電，食材醬料都係好選擇，例如Terre Trancescane一套八種味嘅沙律汁套裝、No.19黑松露扁意粉、99%阿爾巴白松露醬等。如果係小朋友，首選獨家發售嘅Joe & Seph's「Bites」Popcorn朱古力、各式賣相精美嘅倒數月曆，連大人都愛不釋手！
city'super
地址：
尖沙咀海港城港威商場三階3001號
中環國際金融中心商場一樓1041-1049號
查詢：2736 3866
你或有興趣的文章：
Merry "Cheese"mas 芝味聖誕自助餐
【佳節煮好菜系列】煙三文魚雜蔬薯糰配沙律
2019-11-27,週三
送門票！灣仔第17屆香港冬日美食節
一年一度「香港冬日美食節」又黎嘞！呢個吃喝玩樂購物嘉年華，已經踏入第十七屆，並將於12月25日至29日於灣仔會展舉行。九大展區包括日本、台灣、韓國、東南亞，至尊品牌、賀年食品、世界飲食貿易、健康食品、國際品酒及高級食品等過百款產品，真係逛足一日都未必夠呀！同場又有勁多優惠，例如1蚊美食，約定家人朋友一齊去Shopping！同期仲有其他展覽：香港冬季購物節、香港家居潮流博覽、香港數碼生活及車品博覽，一樣咁精彩架。
「第十七屆香港冬日美食節」現送出500張入場贈券俾myCOOKey讀者！Click入我哋Facebook專頁玩遊戲，即有機會獲贈兩張。立即參加：https://www.facebook.com/myCOOKey/
詳情：
「第17屆香港冬季購物節」及「第17屆香港冬日美食節」
日期：2019年12月25至28日（美食節展期至12月29日）
地點：灣仔會展1號及3號館
大會網站： http://food-expo.com.hk/
你或有興趣的文章：
秋冬滋味蟹逅 5大精選
黃大仙創意茶餐廳 食雞蛋仔Pizza
2019-11-25,週一
港式＋韓風蝦醬炒年糕 飲埋純素葡萄酒
葷素兼備的韓國餐廳The Joomak，最近加入3款「韓式香港味」系列炒年糕：港式XO醬鐵鍋辣炒年糕、鮮磨沙嗲醬鐵鍋炒年糕、大澳蝦醬鐵鍋炒年糕，充滿香港味道。另有經典部隊鍋及2款純素葡萄酒，都值得一試。
除了創意新派菜，The Joomak的素食亦是另一賣點。今次同步推出全新純素葡萄酒，紅白素酒均來自意大利著名酒莊Barberan。以六個月時間來作重力沉澱以過濾酒渣，不含牛骨粉或蛋白等動物成分，果香依舊。現凡點選一枝素酒，餐廳更送你素炸雞一款，共三款口味：牛油果開心果炸雞(五辛素、蛋奶素)、韓式辣味素炸雞(純素)、芥末素炸雞（蛋奶素）。
The Joomak
地址：尖沙咀廣東道17號海港城海運大廈3樓LCX 34號舖
電話：2111 0851
大澳蝦醬鐵鍋炒年糕 $138
鹹香的大澳蝦醬同年糕原來相當合襯，配菜有洋蔥、翠肉瓜、鮮蝦，口感豐富。
港式XO醬鐵鍋辣炒年糕 $138
以四川辣椒作基調的韓國炒年糕麻辣帶勁，拌上XO醬、老干媽辣醬及辣椒乾，辣味再度昇華。麻辣年糕配上一口雞粒，層次不再單寡。
鮮磨沙嗲醬鐵鍋炒年糕 $138
餐廳自家製沙嗲醬，加上紅椒圈、紅洋蔥圈、本菇等提升香氣。菠蘿與炒年糕的搭配新鮮，香甜多汁，減低油膩感。
經典韓式肉食部隊鍋 $158
有齊新鮮豬肉、午餐肉、韓式年糕、辛辣麵等部隊鍋必備食材，最特別為加入了茄汁豆，慢火細煮，同樣入味。
你或有興趣的文章：
尖咀嚐鮮 創意甲羅燒
秋冬滋味蟹逅 5大精選
2019-11-20,週三