中國人好緊張湯水,但現代人太忙,邊個得閒慢慢熬煲靚湯飲丫!
估唔到幫到你手既,唔係咩高速煲、真空煲,而係西式攪拌機。
你冇睇錯,真係意大利Casa Bugatti最新出既多功能攪拌機Vento!
話Vento多功能,因為佢除左一般打果汁、雪糕、雪葩、沙冰,又可以將烘焗過的香口花生、合桃等,直接放進Vento內,即可攪拌成超幼細香滑的花生醬、合桃醬。
因為佢有60個不同分段既速度可供選擇,所以想幾快、幾慢,打製出咩口感,都輕易滿足到你。
生產商Casa Bugatti本身與跑車Bugatti源自同一家族,百年來都係生產金屬鋁鋼為主,用料一向講究。呢部新Vento既黑色底座夠摩登,只配隻攪拌杯,簡潔不阻地方。而攪拌杯較一般塑膠硬、耐熱度高又唔易花。
攪拌醬汁、雪糕都太大路?幫你打埋麵糰又如何?喜歡自家製麵包、麵點的,只要將麵粉、清水、酵母放進攪拌杯,便可以搓製出麵糰,質感不下於手搓,連配件都唔使換!
不過數咁多功能,最深得大家心的,應該是打製濃湯。例如想飲個魚湯,將煎好既魚、連薑片、清水放進攪拌機,按掣就識自動以高速攪拌8分鐘,連魚骨都攪至無形!
唔使翻煲,入口熱辣辣,可以即飲。湯質綿稠香濃,仲更加有營養添!煲紅蘿蔔粟米湯一樣得,8分鐘有湯飲,正呀!
Vento賣相咁有型,內部操作亦相當創新。佢係首部可透過APP操作既攪拌機,APP名為「B Chef」,下載後,用家可以在一定距離內以手機、ipad操控。
APP內仲有晒食譜,同時歡迎用家分享自己的煮食相片及心得!
Vento多功能高速攪拌機$16,800
查詢:2519 7861