女士們每個月總要「接待」一位「特別嘅人」......無錯!佢就係「大姨媽」!
呢位令人又愛又恨嘅親威,嚟嘅時候可能帶來痛苦,唔嚟又擔心「搞出人命」。
但係,除咗懷孕之外,其實仲有其他原因令「大姨媽」遲到。
最常見情況係情緒問題,撞正考試或轉工等較大改變、長時間覺得精神緊張、壓力太大等,
有機會影響荷爾蒙分泌,導致月經時間不定。
卵巢功能異常及荷爾蒙分泌失調,亦會影響經期,身體不適時記得盡快搵醫生檢查喇!
為咗減肥,女士們真係可以去到好盡!不過,減得太盡就會好傷身!
過分節食導致營養不良,以及體內脂肪量太少,都有礙正常荷爾蒙分泌,
有機會引起內分泌失衡、月經紊亂,嚴重者甚至停止嚟M,咪話唔得人驚!
部份女性因為免疫疾病需要服用類固醇,呢D藥物都會造成月經異常,
不過藥物唔能夠隨便停,最好諮詢醫生。
1. 蛋白質
蛋白質對維持和修復身體組織好重要,同時係製造荷爾蒙嘅成分,並有助排卵。
多進食含豐富蛋白質嘅雞蛋、奶類製品、魚類、瘦肉和海鮮,平衡荷爾蒙分泌。
2. 維他命B6
奶類、肉類、綠葉蔬菜和魚類含有嘅維他命B6,
促進蛋白質新陳代謝、製造紅血球和荷爾蒙,幫助平衡體內荷爾蒙水平。
3. 脂肪
之前提到身體脂肪率過低,有可能造成經期不定。
即使減緊肥,都要吸收適量油分,例如進食堅果類、魚類(吞拿魚、秋刀魚)等,
而且缺乏油脂,仲會令皮膚變乾!
4. 礦物質
有利於神經系統運作及保持身體新陳代謝功能,包括鈣、鎂、鐵、鋅等。
其中嘅鈣質,仲可以舒緩經期前不適症狀,減輕經痛困擾。
每日飲1-2杯牛奶、進食紫菜、深綠色蔬菜等都可以吸收礦物質。