下酒菜最緊要係乜?好味?賣相?

錯!係要易整,如果太麻煩,

整得黎酒興都無曬!

涼拌青瓜海蜇

 

涼拌萬歲!海蜇汆一汆,

撈埋新鮮青瓜,醃一醃,開飲!

琥珀花生

 

花生一直都係下菜小食長青軍,

炒、炸、烚,各有各風味,尤其配上啤酒,

簡直人間極樂。

鹽煎秋刀魚

 

秋刀魚,加少少鹽,兩面煎一煎,

加少少香草或檸檬汁亦別有風味。

葡國辣肉腸拌意粉

 

唔係長條意粉,係圓筒粉。

不過精髓係葡國辣肉腸,好惹味!

酥炸雞球

 

炸雞配啤酒,仲需要解釋?

炸好嘅雞球除左沾醬,灑椒或滴檸檬汁

又係截然不同嘅口味!

炸蟹箝

 

蟹箝令你覺得好卻步?

其實都可以出下貓,

買現成蟹肉整既。

雜錦涼拌

 

涼拌萬歲 X 2,因為好重要所以講兩次。

若果覺得一般涼拌太清太寡,

落雞絲或大蝦都係易配搭又好味道嘅選擇。

 

你或有興趣的文章:情人節獨家!星級糖藝師教整甜品

更多相關專題:大寒-終極暖身食譜合集!

今晚在家煮乜好:廣傳!強筋骨6大湯水食譜

 

e-max.it: your social media marketing partner
我等打工仔,日日捱騾仔,平日飲食不定時、睡不好、運動不足,總被長輩稱為「打壞」。遇上年頭大時大節特多,瘋狂聚餐,飲飲食食,五臟六腑負擔過重,實在要好好保養。 經過北角的「天下澤雨‧茶工房」分店,以為只是賣賣湯包的分店,及後走到上環的總店,才發現他們在安徽省霍山縣的大別山,是有自家種植招牌產品霍山石斛的集團,而且是以野生原種,仿野生模式培植,不催谷,花至少三年時間等待收成。野生霍山石斛既稀少也受國家保護,同樣不能非法採集。 霍山石斛因其多糖含量豐富,增強抵抗力,加上中醫角度認為可以養陰生津、養肝護胃等功效,被喻為中華九大仙草之首。上環店的出品相當多元化,即飲湯包、瓶裝保健飲品、茶飲沖包是入門級養生品。 有時間的除了可以買新鮮或乾的霍山石斛來自己泡製,石斛是沒有有強烈味道的藥材,但味道不錯。原來研發團隊除了中醫、大學教授等權威,也有飲食界人士,醫食同源,美味和健康都能兼顧!   天下澤雨 地址:上環永樂街122地鋪 電話: 2786 3010 網站:www.zeyunongke.com/   你或有興趣的文章: 下午茶Buffet 回本海鮮吃不停 台灣師奶秘製牛肉麵 釋出文藝味道  
2017-02-27,週一
突然間又凍返,手凍腳凍飲薑茶最啱,小編推薦3大生薑飲品,幾凍都唔駛驚啦! 檸蜜薑茶 材料: 檸檬 3個、薑 1個、蜂蜜    1罐 做法: 1. 將檸檬、薑洗淨,分別切片。 2. 將一片檸檬,一片薑片,一勺蜂蜜,堆滿一瓶子,最後再倒入少許蜂蜜,將檸檬片浸潤在蜂蜜中。 3. 把罐封起來,放入冰箱,醃一晚即可,飲用時撈出檸檬和薑片一起泡水喝,也可以倒出蜂蜜來泡水。 功效: 除了驅寒,檸檬還可補充維他命C。 紅棗薑汁拌奶露 Click圖即睇食譜 功效:糖水中紅棗可補中益氣,養血安神。 淡奶補益虛損,生津潤腸。少量薑汁、生粉和冰糖合用有和胃調味的作用。 桂圓生薑飲 Click圖即睇食譜 功效:驅逐寒氣,促進血液循環。 圖片來源:互聯網 你或有興趣的文章:嫩滑茶碗蒸 4大不敗要訣 今晚在家煮咩好:暖身又排毒!美肌煲仔菜
2017-02-24,週五
元祖級回歸 Crumbs Crumbs,相信80後的你一定食過!這間香港Froyo元祖店,以0.25%脂肪含量乳酪做Gimmick,一向也很受港人歡迎,且經常大排長龍。可惜,店家去年3月宣佈結業並撤出銅鑼灣。不過,一眾忠實Froyo迷不用失望,最近它又重出江湖,新店再度選址銅鑼灣。 不得不提當然是招牌兩大Toppings,包括肉桂味濃郁的House Crumbs及煙韌的糯米糍。Crumbs近日更推出情人節限定玫瑰情人杯($68),乳酪杯以粉紅朱古力玫瑰花做裝飾,面層淋上士多啤梨醬,新鮮乳酪配上韓國原粒士多啤梨,以及紅苺法國蛋白杏仁餅。 乳酪入口清新,略帶微酸,與配料的甜味配合得剛剛好。不過最特別的要數限量版玫瑰糯米糍,粒粒煙韌彈牙,帶有淡淡玫瑰花香味。而這款以玫瑰花做主題的乳酪,全杯也是粉紅色調,最啱相機先食。但要注意是,玫瑰情人供應期有限,只賣到3月31日。  另外,抹茶系列則以抹茶味乳酪做Base,抹茶味濃郁甘香,不會太甜,還加入抹茶蛋糕、抹茶糯米糍、抹茶朱古力等多款抹茶類特色Toppings,抹茶迷一定要試。    Crumbs 地址:銅鑼灣謝斐道508號地舖 電話:2799 1212 西班牙高鈣乳酪 llaollao  同樣位於銅鑼灣的llaollao,亦是Froyo迷的另一健康選擇!llaollao的乳酪採用新鮮西班牙高鈣低脂牛奶製造,絕對是女士減肥恩物。乳酪連自選配料,分為四種大小,價錢算屬中價。 招牌乳酪Sanum七層芭菲杯($49),可以自選三款水果、兩款脆脆及一款醬料。乳酪奶味香濃但較甜,配料款式夠多,推介有焦糖葵花籽及Lotus焦糖餅乾碎,兩者同樣香脆有咬口,口感十足。醬料主要分果醬及朱古力醬兩款,醬汁濃稠,且帶有微溫。熱情果醬酸酸甜甜,十分開胃。llaollao亦有Smoothie及水果沙冰,也屬健康之選。    llaollao  地址:銅鑼灣邊寧頓街9-11號登龍閣地下B舖   你或有興趣的文章: 下午茶Buffet 回本海鮮吃不停 工廈雜貨店 平掃零食  
2017-02-22,週三
下午茶自助餐很抵吃的說,成人每位只是$328,比起平時吃的Afternoon Tea貴一點點而已,但可以吃的東西遠遠多過三層架!粗略估計食物款式有50款以上,也不愁沒回本食物,海鮮類有長腳蟹、凍蝦、東風螺、青口、小龍蝦和多款魚生刺身。我尤愛長腳蟹,能輕易拆出一條條蟹捧,肉質厚實鮮甜,充滿海水味。 熱葷也有很多選擇,推介必吃鹵豬腩夾飽、花鵰蛋白蒸蟹鉗、冬陰公湯粉和㗎央多士。甜品方面一向是The Market的強項,特別主打榴槤甜品,不過像我不吃榴槤也不用怕,超過廿款甜品等著你!當中我最喜歡綠茶朱古力蛋糕、綠茶奶凍、荔枝啫喱、芒果奶凍、瑞士咖啡布朗尼,還有多款Mövenpick雪糕口味。這個下午茶真的非常飽滿,非常滿足,我想晚餐不用吃了,哈哈!   The Market下午茶自助餐 地址:尖沙咀科學館道17號唯港薈2樓 供應時間:3:15pm-5:15pm(星期六、日及公眾假期) 價錢:成人$328,小童$258 港女老婆CaCa N年前嫁給一位漫畫家老公,其夫妻生活怪事被畫成《我的港女老婆》漫畫系列。藉著漫畫於網絡上活躍起來,其後愛吃的港女老婆成為了美食博客為餐廳撰寫食評。2013年開始於香港報紙am730撰寫專欄《萌妻之道》,在2014年出版第一本飲食書《萌妻の午後喫茶》。 https://www.facebook.com/myHKwife/   你或有興趣的文章: 海景香檳下午茶 超值! 港島夜市 食薯片手抓餅!  
2017-02-21,週二
蒸餾水同礦泉水有咩分別? 蒸餾水同礦泉水嘅處理過程唔一樣,蒸餾水經過過濾,不含雜質; 來自天然地下泉嘅礦泉水含有微量礦物鹽同礦物元素,例如鈉同鎂,味道帶微甘澀,未必啱個人口味。 雖然礦泉水比蒸餾水含額外礦物營養素,但有部份人並唔適合飲用,特別係腎臟功能比較差嘅人,以免增加腎臟過濾負擔。   另外,蒸餾水同礦泉水嘅酸鹼值亦有唔同,蒸餾水屬微酸性,而礦泉水則屬微鹼性。 由於人體本偏鹼性,如長期攝取酸性食物或會引致慢性健康問題,例如:加快鈣質流失。 雖然平日飲蒸餾水並不足以引起嚴重健康問題,但香港人平日嗜肉,喜愛食甜品, 少攝取蔬果,長期多肉少菜嘅飲食習慣都會令身體處於酸性水平,所以不建議長期飲用蒸餾水。  幾時飲礦泉水較好? 正因為礦泉水含礦物元素,能夠補充運動時經排汗流失的電解質。 做完排汗量較多的運動,如:高溫瑜珈,譜提拉,飲用礦泉水比蒸餾水能更快補充所需礦物質。    皮膚啱飲蒸餾水定礦泉水? 要保持皮膚滋潤,飲足夠水份相當重要,無論蒸餾水定礦泉水都能補充皮膚水份的需要, 要保持皮膚在最好狀態,吸取足夠抗氧化物先係關鍵。 平日於膳食中多攝取高抗氧化值營養能減低長期酸性飲食對皮膚做成的影響。 咁應該飲蒸餾水定礦泉水? 蒸餾水及礦泉水各有好處,亦適合個別唔同需要既人。 無論蒸餾水或礦泉水,建議不用刻意長期飲用一種水。 均衡營養攝取及水的品質來源比選擇水的種類更為重要。 Debbie將於3月4日(星期六)與myCOOKey合辦烹飪班, 本身是專業營養師的她,會教大家製作兩款果撻, 有興趣學兼想學更多烘焙貼士,快啲報名啦。 課堂資料 日期:2017年3月4日 (星期六) 時間:下午2時-4時 地點:基督教勵行會 荃灣西樓角路222-224號豪輝商業中心2座地下上層UG02室 名額:20人(名額有限,以繳交費用為準) 內容: 製作1個蘋果金寶撻及1個法式檸檬撻 (附有精美紙盒,以便課堂後取走) 早鳥優惠: HK$300/位,HK$580/2位  原價:HK$350/位 立即報名:http://bit.ly/0304class Debbie Lui 烘焙愛好者,Food Blogger,專業營養師 喜歡交流食譜,烘焙心得及營養知識,於加拿大西安大略大學營養學學士畢業,香港理工大學健康資訊科技碩士。 曾於就讀大學烹飪課堂任教學助理,參與醫院食物營養部門及協助大學營養研究工作。 曾於香港健康食品公司任職營養師 現於香港知名醫學美容健康中心任職營養師,曾於大型健康講座作講師,及提供健康營運咨詢服務。 個人網誌: http://dreamofyourownchinese.blogspot.hk/   食譜網誌:  http://dreamofyourown.blogspot.hk/ 圖片來源:互聯網   你或有興趣的文章:零失敗!鮮嫩無腥蒸魚法   更多營養專題:牛肉好毒? 營養師拆解食牛謬誤!
2017-02-21,週二
去馬鞍山踩單車,一定黎過大水坑站,唔知有咩好食?小編捐窿捐罅,幫你搵齊開餐熱點!  簡單廚房藏身於酒樓,茶餐廳價錢,但係食到酒家大廚嘅手勢! 自從晚市推出雞煲餐之後,呢度就熱鬧咗好多,因為呢度個雞煲同魚煲餐好吸引。共8款二人份火鍋料:山東羊肉片、安格斯肥牛肉、紐西蘭青口、花膠件、沙拉丸、芝士腸、時菜同公仔麵,仲包兩杯餐飲或一枝大啤酒,好抵食。 雞件微辣帶香料味,又有醬油嘅香甜,唔係一味油、油、油,雞件非常入味,而且點煮都咁滑,成煲有20件左右,正啊!花膠件件厚身,配雞煲火鍋,快入味又有膠質。雞煲餐咁足料,三個人食得夠飽,唔夠喉? 追加火鍋料都係$22起咋。四川香辣雞煲餐(半隻)、回味酸辣烤鯇魚煲$168(兩位用),想食豪啲,仲有$228嘅秘製龍蝦炆雞煲。可選辣度,小辣幾乎食唔出辣味,仍怕辣的話,喺湯滾前夾走辣椒即可。 簡單廚房 地址:馬鞍山錦泰商場1樓101號舖(長江海鮮酒家內) 電話:3124 8022 脆味批全部下午茶餐,堂食都係$24至$34,包括主食(焗飯/意粉/迷你批)、小食,再跟餐湯或汽水。大批外賣自取都係$80,抵食仲要好食喎!呢度嘅炸雞簡直係鎮店之寶,外皮酥脆,微鹹唔油,內裏熱辣辣之餘勁多肉汁,嫩滑非常。 薄餅為厚批,質地非常鬆軟,批邊批底夠香脆,雞肉蟹柳配滿滿芝士同千島醬。焗飯、意粉醬汁濃稠,雖然料唔算多,勝在夠香。小食唔要炸雞、薄餅,另有超過十款選擇,例如焗吞拿魚多士、小食拼盤、肉醬烤腸同朱古力窩夫等。小店新品有烤雞和士林炸雞,不妨一試! 脆味批 地址:馬鞍山富安花園商場1樓S2號舖 電話:2706 6111   你或有興趣的文章: 工廈雜貨店 平掃零食 $10肉鬆班戟 + 豬油渣燒賣 紅磡街坊力薦!  
2017-02-17,週五
在香港要吃正宗江戶前壽司不容易,甚麼叫正宗呢?得先了解它的歷史。 江戶,即東京的舊稱,江戶前壽司就是源於這地的街邊速食店,把東京灣取得的時令魚材切片,加入醋米飯,既方便快捷,又易飽肚,這種嚐到醋香的握壽司逐漸流行,並演變成日本的國菜。隱身上環的壽司店「海」,低調開業,不足半個月。鎮店壽司師傅大有來頭,他是東京銀座逾120年名店吉野鮨的第四代傳人─君島友紀雄(Yukio Kimijima)。他十六歲學師,每天來往築地購買魚材,做到四十出頭才遠赴香港發展,年屆六旬的他與商販諗熟,所以身在香港也可遙距吩咐供應商往指定築地商販取貨。 「海」的壽司選用北海道米及自家赤醋製成,建議客人棄用筷子,用手享用!米飯會特別握得鬆軟一點,入口會立即化開。師傅一直堅持東京傳統壽司的做法,即握飯絕不下糖,跟關西做法不同。他說正宗的江戶前壽司,必定不可缺少某幾種壽司款式,包括花竹蝦(Kuruma Ebi),又名車海老,肉質結實富口感,把蝦頭及蝦尾切去,簡單塗上醬油即可。 另有最具代表性的小鰭(Kohada),又名小鰶魚,經醋醃製後特別鮮味,故又有醋王美譽。由於魚身細小,師傅會切片或開半,然後包著壽司享用,魚肉與米飯之間再夾著大葉,平衡醋的酸味。壽司握好後仍微暖,米飯之間藏有空間,入口鬆化,謹記五秒內享用呀!現時店方只供應Omakase晚餐,包括前菜四道、江戶前壽司十件、卷物、麵豉湯、甜品、抹茶及玄米茶,每位$1,588。   海 地址:上環荷里活道159至163號地下3號舖 電話:2956 3177   你或有興趣的文章: 相機啱食!潮吃抹茶櫻花蛋糕 尖咀浜燒居酒屋 即燒跳舞鮑魚  
2017-02-17,週五
未介紹抹茶甜點時,有必要讚一讚店家選料。由於菜式崇尚簡單,所以更要配合優質食材。店家特意從世界各地入貨,例如日本空運的蠶豆、丹波黑豆、櫻花蝦等,務求令以真鮮味奉客。簡單不等於傳統,「夢見屋」鎌倉和茶房的菜式充滿創意,例如蛋黃醬蝦仁丼配蠶豆,用秘製蛋黃醬配蝦仁、蠶豆和白飯,鮮甜味一吃便上癮。又或充滿蜂蜜甜味的豬肩肉,每塊一吋厚,嚼勁十足! 此店的烏冬也是自家製的,闊度、厚度完全有特定標準,務求每條烏冬都可以沾上醬汁!選擇包括拿破侖蛋烏冬、黑松露巴馬火腿忌廉烏冬、卡邦尼亞烏冬,$48起,抵試! 甜品當然要介紹春日抹茶系列,包括抹茶櫻花蛋糕、抹茶日式草莓蛋糕、抹茶泡芙、意式芝士抹茶杯等。抹茶櫻花蛋糕可以嚐到茶的甘濃,佐以櫻花味鮮忌廉及微鹹的鹽漬櫻花,層次豐富。抹茶泡芙亦觸目,酥鬆外層輕而不膩,泡芙內注滿了抹茶吉士,甘香滋味!   夢見屋iSquare店 地址:尖沙咀彌敦道63號iSquare國際廣場3樓4號舖 電話:2739 4283   你或有興趣的文章: 抵玩!酒店食+學 整完甜品歎下午茶 台灣師奶秘製牛肉麵 釋出文藝味道  
2017-02-17,週五
假日鬆鬆好緊要,想郊遊又唔想舟車勞頓,山長水遠搭完地鐵又轉小巴或船,可以考慮今次推介嘅路線:魔鬼山及鯉魚門。出發前當然先醫肚,油塘大本型本身都有不少食肆,但今次小編想平食,所以去左隔離個鯉魚門廣場既鯉魚門市場,睇下有咩平靚正野食。 市場內人來人往,一入去已經見到幾檔熟食小店,就先試韓國嘢!開頭以為係傳統炸雞肉,咬落先知原來先將雞肉攪碎,再加埋秘製材料整成雞球,軟熟多汁。另一推介係飯卷,泡菜微辣,配上新鮮既青瓜同黃瓜,算係開胃之選。不過豬肉可以再入味啲。   韓食味家 地址:油塘鯉魚門道80號號鯉魚門市場73號舖 睇埋隔離檔,主打泰日菜,小編一眼就俾色彩斑斕既斑蘭椰汁糕吸引住,所以決定買盒試一試。糕身煙靱唔黐牙。食落就椰汁味較重,甜度亦適中,唔太甜膩。   泰日潮食 地址:油塘鯉魚門道80號號鯉魚門市場75號鋪 食飽就開始勇闖魔鬼山嘞!魔鬼山又名炮台山,位於油塘同將軍澳之間。魔鬼山東邊係將軍澳華人永遠墳場、西面為油塘及三家村、南邊係鯉魚門海峽,至於北面就連接照鏡環山。由於呢條係循環路線,小編揀咗由鯉魚門出發,事關急住買鯉魚門好食既豬肉乾! 鯉魚門係出名嘅遊客區,有好幾間專賣香港懷舊食品嘅店。今次介紹嘅豬肉乾,每次到鯉魚門都必買架!年香園嘅辣味豬肉乾,好惹味,特別鍾意叉燒邊豬肉乾,鍾意燶啲,不防叫店主再燒燶啲俾你。如果唔食辣,可以揀蜜汁味,仲可以當場試食,食啱先買。   年香園 地址:鯉魚明海傍道中43號D 買完豬肉乾,真正出發!由鯉魚門行到去距離天后廟50米左右,向左轉就會見到石屎梯級,地面亦刻有衛奕訊徑嘅標示,如果見唔到就代表你地行錯路啦!行左30分鐘左右,就會到達車道,呢個時候會見一個指示牌,跟住正確方向行,就會去到魔鬼山嘞!   小貼示: 1)其實由油塘高超道或鯉魚門出發所需的時間相若,分別在於高超道是經斜坡上山,鯉魚門是踏梯級上山。 2)建議:油塘港鐵站→油塘大本型/鯉魚門廣場購買食物乾糧→高超道逆走衛徑第三段→魔鬼山(炮台山)→鯉魚門海傍→油塘港鐵站 3)中午三時左右出發,在山上觀賞日落景色,記住帶夜間照明工具以防萬一。   你或有興趣的文章: 港島夜市 食薯片手抓餅! 西環 台式小吃人龍店  
2017-02-17,週五
梳打餅、消化餅、威化餅、燕麥餅、夾心餅的卡路里及其營養成份: * 餅乾熱量以每獨立包裝計算,紅色字表示超標 食用份量須留意 要注意包裝上的熱量和脂肪含量,選擇低脂和低熱量。 此外,必須留意食用份量,例如以3塊餅乾計,再根據食用份量數目( number of servings)及每份食用份量提供的能量及營養素,計算出所攝取的能量及營養素份量。 舉例來說,如吃了兩個食用份量的食物,那麼從中攝取到的能量及營養素份量便會增加一倍。   餅乾主要成份 成份:鹽份 影響:可造成高血壓 建議含量:每份
2017-02-16,週四
  抹茶熱似乎從未減退過,雪糕、麵包、布甸,甚至麵條只要與抹茶扯上關係,大家便立即心心眼,吵著排長龍也要試。今次介紹的四款甜品食譜,有沒有哪一款你在坊間都嚐過?說不定你整的味道更吸引! 3月18日!香港萬麗海景酒店首次與myCOOKey合辦抹茶甜品烹飪班,大家學完整抹茶甜品,可在酒店Mirage Bar & Restaurant品嚐下午茶,好抵玩呀!   詳情 日期: 2017年3月18日 (星期六) 或 3月19日 (星期日) 時間:下午2時至4時半 地點:灣仔港灣道一號香港萬麗海景酒店 內容: - 製作「抹茶奶凍」及「抹茶拿破崙」共兩款甜品 (附送精美禮盒,課堂後可取走完成品各2件) - Mirage Bar & Restaurant精緻下午茶點: 鹹點 •法式三明治配烤雞、巴馬火腿、芳提娜芝士 •牛油果吞拿魚牛角包 •脆炸雲吞 •雪山叉燒包 甜點 •紐約芝士餅 •意大利芝士蛋糕 •楊枝甘露 •法式馬卡龍 •時令鮮果 (另包咖啡/茶) 價錢: 早鳥優惠$390/位、$720/兩位 原價$480/位 名額:20人/班   報名按此:http://bit.ly/0318class 抹茶食譜 紅豆抹茶卷 抹茶和紅豆向來天生一對,這款蛋糕既有抹茶香,又可嚐到粒粒紅豆,堪稱完美配搭。芋香抹茶蛋糕卷 坊間賣的抹茶蛋卷百多二百元一條,何不試試親手製作?配芋頭蓉,不比紅豆遜色。抹茶羊羹 3個步驟便製作完成的傳統甜品,建議用無糖豆漿炮製,更加健康。日式抹茶豆腐布甸 豆腐布甸口感輕軟不膩,十分適合作為飯後甜品。加了抹茶味道,帶淡淡甘香,更有層次。  你或有興趣的文章: 抵玩!酒店食+學 整完甜品歎下午茶 工廈雜貨店 平掃零食  
2017-02-20,週一
不少女生愛相約三五知己歎High Tea,又或與朋友齊齊學整糕餅甜點。 3月18日及3月19日!香港萬麗海景酒店首次與myCOOKey合辦甜品烹飪班, 大家學完整甜品,還可到酒店Mirage Bar & Restaurant品嚐下午茶,好抵玩呀! 詳情 日期:2017年3月18日(星期六)或3月19日(星期日) 時間:下午2時至4時半 地點:灣仔港灣道一號香港萬麗海景酒店 內容: - 製作「抹茶奶凍」及「抹茶拿破崙」共兩款甜品 (附送精美禮盒,課堂後可取走完成品各2件) - Mirage Bar & Restaurant精緻下午茶點: 鹹點 •法式三明治配烤雞、巴馬火腿、芳提娜芝士 •牛油果吞拿魚牛角包 •脆炸雲吞 •雪山叉燒包   甜點 •紐約芝士餅 •意大利芝士蛋糕 •楊枝甘露 •法式馬卡龍 •時令鮮果 (另包咖啡/茶) 價錢: 早鳥優惠$390/位、$720/兩位  原價$480/位 名額:20人/班   報名按此:http://bit.ly/0318class 抹茶甜品班由糕餅房主廚何家輝師傅親自擔任導師,何師傅加入酒店逾20年,對甜品製作及烘焙技藝的的熱誠有增無減。他將於烹飪班內親授「抹茶奶凍」及「抹茶拿破崙」的製作技巧。兩款甜品賣相精美,加上得到何師傅細心教導,日後任何時候都可以大顯身手! 烹飪班結束後,即可到環境舒適的Mirage Bar & Restaurant細味精緻下午茶。各式鹹甜點由Mirage副行政總廚Owen Panzica設計,他入行超過10年,曾於香港米芝蓮推介的餐廳及美國的餐廳工作,所以對食品的賣相和味道,都有極高要求。 下午茶的鹹點,包括牛油果吞拿魚牛角包、脆炸雲吞、雪山叉燒包及法式三明治配烤雞、巴馬火腿、芳提娜芝士;甜品則有紐約芝士餅、意大利芝士蛋糕、楊枝甘露、法式馬卡龍及時令鮮果。 下午茶的鹹點,包括牛油果吞拿魚牛角包、脆炸雲吞、雪山叉燒包及法式三明治配烤雞、巴馬火腿、芳提娜芝士;甜品則有紐約芝士餅、意大利芝士蛋糕、楊枝甘露、法式馬卡龍及時令鮮果。Tea Set最近才新推出,加上價錢極之吸引,所以已有不少Fans捧場客。現在只要參加烹飪班,便有機會坐在環境開揚優雅的Mirage,慢慢品嚐美侖美奐的鹹甜茶點,悠然度過一個輕鬆的下午。 Mirage Bar & Restaurant下午茶 時間:每天3:00pm至6:00pm 價錢:$138/位 地址:灣仔港灣道一號香港萬麗海景酒店一樓 電話:2802 8888 烹飪班查詢:5296 8520 有興趣參加這個「抹茶甜品烹飪班+Mirage下午茶」的朋友,立即按此報名: http://bit.ly/0318class   你或有興趣的文章: 摩登中菜館 食鹿兒島叉燒 尖咀浜燒居酒屋 即燒跳舞鮑魚  
2017-02-15,週三