聖誕精靈村市集 皇牌美食推介
聖誕逛市集超好氣氛，因為主題啦、裝飾啦得特別搶眼！黎緊12月1日(星期六)及2日(星期日)，荔枝角D2 Place將舉辦「CRE瀝卡啦聖誕精靈村」活動，場內有手作、音樂、讀物、小型插畫展及工作坊，唔少得嘅仲有美食專區，有得食有得買先開心嘛，今日率先同大家睇下有咩好嘢食！
美食專區「味。工房」由4個特色小食檔組成，包括SWIRE COCA-COLA HK，佢特別為今次活動，再次推出復刻版玻璃樽「可口可樂」，極具收藏價值！共4個不同年份嘅經典設計給大家選購，另有爆谷及棉花糖供應，可以邊吃邊逛。
至於Chillz，佢癲覆咗食牛肉乾嘅概念，將「台灣阿江師金門牛肉乾」配上香脆魚皮、爽甜青瓜，加上秘製香濃磨菇白汁，以輕輕烤過嘅意式麵包Ciabatta夾住，多層次口感令人驚喜。其他食品包括美國蘋果熱狗、德國烤腸等。
小團圓亦為大家帶來多款趣「味」雪糕，例如海鹽、芥末、話梅、榴槤等。檔主嘅創意還見於其他小食，像自家製金沙鹹蛋棉花燒多士，鹹甜組合，人吃人讚。同時推介養生冰糖陳皮燉檸檬、川貝陳皮燉檸檬，秋冬必備。
盆滿缽滿嘅蝴蝶酥，酥皮鬆化，甜而不膩，以水晶球盛載，可作為聖誕禮物送贈好友。另一主打係杯裝泰式鳳爪及粒粒豬手，均是惹味之選。必試的還有漲卜卜奇趣雞批，熱辣辣品嚐，更加滋味。
myCOOKey另設「體驗。工房」，將於不同時段舉行「糖霜曲奇親子班」、「聖誕水果花工作坊」及「啫喱花工作坊」，參加指定工作坊，仲有熱朱古力飲添，有興趣嘅朋友可登入https://buy.mycookey.com/，查詢詳情及預早報名。
CRE瀝卡啦聖誕精靈村@D2 Place
日期：2018年12月1日至12月2日
時間：中午12時至下午8時
地點：荔枝角D2 Place ONE 2/F The Space
你或有興趣的文章：
星級酒店食Buffet 學整抹茶聖誕樹
日本殿堂級甜品進駐海港城
2018-11-19,週一
日本殿堂級甜品進駐海港城
甜品的確是治癒心靈的良藥，最近日本殿堂級甜點大師辻口博啟打造的全新品牌Super Sweets Gallery進駐海港城city’super，又多一道良藥滿足各位甜品迷的心靈。辻口博啟是位享負盛名的甜品師，他曾於國際性賽事包括「Coupe de Monde de la Patisserie」及有朱古力業界「世界盃」之稱的「5 Chocolate Bars」獲獎，而且更於全球最大型的法國朱古力展「Salon du Chocolat」中，連續六年獲得金獎榮譽，足見其實力不容置疑。
Super Sweets Gallery為辻口博啟的首間日本以外分店，店中有多款於日本大受歡迎的蛋糕、朱古力、餅乾等等，當中不得不提其招牌——獺祭抹茶朱古力，以日本的宇治抹茶，搭上獺祭純米大吟釀清酒，入口帶淡淡清酒香伴抹茶的絲絲甘香。蛋糕則以鬆軟綿密口感而聞名的士多啤梨忌廉蛋糕最受歡迎，蛋糕口感輕盈鬆軟且帶空氣感，加上新鮮士多啤梨餡餅的酸甜味道平衡，是女生的至愛。至於搭配面層入口即溶的輕柔忌廉，帶來簡約的滋味。
至於另一推介則是栗子布朗，這蛋糕於國際性旅遊評論網站TripAdvisor中被熱烈推薦，以香甜栗子蓉丶糖漬及忌廉製作，軟糯可口，栗子迷絕不能錯過。店中最體貼是設有原個及切件蛋糕，無論是一個人獨食還是一大班朋友分享也可以享用同樣味美的蛋糕款式。
Super Sweets Gallery
地址：尖沙咀廣東道3-27號海港城港威商場三階3001號鋪city’super
電話：2736 3866
你或有興趣的文章：
酒店甜品製作班 食埋聖誕下午茶
$10食到 東京名店壽司 美男坐鎮
2018-11-16,週五
自家煲！香滑豬膶菠菜粥
豬潤可補血，菠菜又含豐富鐵質，營養靚粥，街都未必食到！
材料：
白米 半杯
豬潤 150g
菠菜 半斤
做法：
1.豬潤切片，快炒後撈起備用。
2.將豬潤加入白粥。
3.將菠菜放入鍋裡拌勻至腍身。完成！
你或有興趣的文章：
10分鐘 春卷皮變粟米撻
自家煮 香蔥紅棗魚柳
2018-11-14,週三
$10食到 東京名店壽司 美男坐鎮
東京控一定對「梅丘壽司の美登利」唔陌生，其主打平價高質的壽司，深受旅客及本地人愛戴。最近這家名店已進駐旺角雅蘭中心，為海外首間分店，仲專誠委派了在東京店工作了11年的日藉師傅望月美男坐鎮，帶來超過80款壽司和手卷等，款式選擇勁多。這裏絕大部分材料由日本直送，如選用山形縣産米、瀬戸内産的紫菜、連玉子燒都係直接由總店直送到港！必試足足有10吋長的元祖原條穴子壽司、瀉到一碟都係嘅特盛筋子和大赤海老等等。價錢方面，由最平$10吞拿魚筋起，最貴的極上海膽才$78，性價比高，抵食！
梅丘壽司の美登利
地址：旺角彌敦道639號雅蘭中心2樓202號
電話：3571 9018
你或有興趣的文章：
Yummy！大坑滑蛋菠蘿包
$200星期六日酒店食Buffet！
2018-11-12,週一
10分鐘 春卷皮變粟米撻
春卷皮幾好用架！做撻皮相當唔錯，放上餡料同焗，又薄又夠脆！
材料：
春卷皮、香腸、番茄醬、粟米、油
做法：
1.香腸切粒。
2.在焗模上掃油。
3.放上春卷皮。
4.加入香腸、番茄醬及粟米。
5.按喜好加入芝士。
你或有興趣的文章：
自家煮 香蔥紅棗魚柳
對抗秋燥 薰衣草蜜糖鮮奶食譜
2018-11-09,週五
自家煮 香蔥紅棗魚柳
魚柳啖啖肉，用黎炸的確好味，其實中式煮法以薑蔥蒸熟都唔錯架，加紅棗同蒸可以食埋添，補氣血！
你或有興趣的文章：
So脆！蜜糖燕麥脆餅DIY
$200星期六日酒店食Buffet！
Yummy！大坑滑蛋菠蘿包
2018-11-07,週三
Yummy！大坑滑蛋菠蘿包
位於大坑嘅順興車仔麵大牌檔，經常爆場，佢個滑蛋菠蘿包又真係好吸引，大大個配滑蛋，色香味美。
順興車仔麵大牌檔
地址：大坑京街第一巷
電話：2576 6577
你或有興趣的文章：
$200星期六日酒店食Buffet！
聖誕美食市集 4米高泰迪熊坐陣
2018-11-06,週二
So脆！蜜糖燕麥脆餅DIY
好多朋友一聽麥皮就嗌唔好食，將佢整成脆餅，甜蜜又鬆脆，不知幾好味！
材料：
大燕麥片 180g
雞蛋 1顆
蜜糖漿 30ml
牛油 130g
砂糖 80g
中筋麵粉 140g
泡打粉 1/2茶匙
鹽 少許
做法：
1.將燕麥片放入已預熱200度的烤盤約10分鐘，取出備用。
2.將糖和奶油拌勻，加入雞蛋再拌勻。
3.麵粉過篩加入，再加入鹽、泡打粉，拌勻。
4.加入蜜糖漿和已烤好的大燕麥片，拌勻。
5.把麵團輕壓成扁圓形，放入200度焗爐10分鐘，表面金黃色即可。
你或有興趣的文章：
醒胃檸檬雞扒食譜
【1分鐘烹飪教室】蒸魚至醒法
2018-11-06,週二
$200星期六日酒店食Buffet！
星期六、日總係想訓晏啲，放心，遲起的鳥兒一樣有蟲吃！如心海景酒店暨會議中心的Café Circles，推出「自助晏啲食 」Lunch Buffet，每位$200就食到酒店自助餐，仲平過第一輪自助餐$88，加埋指定信用卡85折優惠，分分鐘唔使$200添。自助餐有齊魚生、海鮮冷盤、多款熱辣辣菜式，以及即煮Live Counter，甜品更加唔少得，$200放假食足兩小時Buffet，爽呀！
「自助晏啲食 」自助午餐
供應日期：逢星期六、日及公眾假期
供應時間：下午1:30-3:30
價錢：每位 $200 (成人、長者及小童同價，另收加一)
地址：荃灣楊屋道8號如心海景酒店暨會議中心9樓
電話：2280 2868
你或有興趣的文章：
聖誕美食市集 4米高泰迪熊坐陣
海洋公園食住玩 全新酒店食Buffet！
2018-11-02,週五
聖誕美食市集 4米高泰迪熊坐陣
商場開始飄出聖誕味嘞！好似九龍灣德福廣場，今年有全球首隻4米高毛毛國王泰迪熊坐陣，配合好多德國美食，打造成「泰迪熊聖誕市集」，活動至2019年1月1日，唔好錯過影相打卡同品嚐特色美食嘅好機會呀。
德福廣場「泰迪熊聖誕市集」
日期：2018年月11月5日(星期一)至2019年1月1日(星期二)
時間：早上11時至晚上9時
地點：九龍灣德福廣場一期中央展場
德福廣場「Steiff泰迪熊展覽」
時間：早上11時至晚上9時
地點：九龍灣德福廣場二期中庭
你或有興趣的文章：
海洋公園食住玩 全新酒店食Buffet！
旺角即炸三色薯條
2018-11-02,週五
海洋公園食住玩 全新酒店食Buffet！
以後去海洋公園唔只玩，仲可以住酒店同食Buffet！因為香港海洋公園萬豪酒店正式開幕嘞，有天橋直駁海洋公園，又响港鐵站隔離，真係好方便。住到酒店主題房當然開心，只係黎參觀、開餐，一樣係好選擇。酒店內有四間餐廳酒吧，又將會有個高16米、跨越3層嘅圓柱形水族館，玩完黎食，食完去參觀，之後住一晚，玩兩日一夜不是夢呀！
酒店內分別有供應自助餐嘅「海灣餐廳」、主打順德又同時食到廣東菜嘅「南海小館」，傳統美式扒房「Prohibition扒房．酒吧」及型格「Pier酒廊及酒吧」，值得一讚係所有餐廳都用可持續發展嘅海產，同埋問有認證嘅供應商購入本地養殖嘅海產，非常有心架！特別推介「海灣餐廳」，黎呢度食自助餐好多高質美食，包括米芝蓮叉燒、海鮮冷盤、日本黎嘅刺身、足料燉湯，加上地方闊落，唔錯！
海灣餐廳
地址︰黃竹坑道 180 號香港海洋公園萬豪酒店地下
電話︰3555 1700
營業時間︰6:30am-11pm
收費︰
午市自助餐：成人$338 起、小童 $218 起（設加一）
晚市自助餐：成人 $598 起、小童 $378 起（設加一）
酒店官網
你或有興趣的文章：
旺角即炸三色薯條
嚐一口幸福Pancake 日本人氣店抵港
2018-11-01,週四
對抗秋燥 薰衣草蜜糖鮮奶食譜
最近天氣相當乾燥，用蜜糖整呢款甜品啦！又潤又清香。
材料：
薰衣草 2g
蜂蜜 2茶匙
鮮奶 250ml
做法：
1.先將薰衣草洗淨放入茶壺
2.加入鮮奶，等10分鐘讓薰衣草味更濃郁。
3.將蜜糖倒入杯中。
4.最後將鮮奶與蜜糖攪勻，完成！
你或有興趣的文章：
原汁原味 咖喱醬DIY
【1分鐘烹飪教室】蒸魚至醒法
2018-10-30,週二