充滿凌角嘅外表,隱藏著汁豐味甜嘅真個性,

佢就係小編最愛嘅菠蘿,又叫鳳梨。

酸甜有致嘅菠蘿,食落好開胃。

無論係直接享用、榨汁,定係用黎煮餸都係咁正!

 

黃金菠蘿包

係人都知菠蘿包冇菠蘿餡,今次就整一個有真菠蘿嘅菠蘿包。

雜錦涼拌

除左酸酸甜甜嘅菠蘿,仲有脆口油炸鬼,再加埋其他時令生果,好豐富呀!夏天食,胃口大開。

菠蘿啫喱特飲

整啫喱加入新鮮菠蘿,即帶天然甜香。啫喱切粒,加埋梳打汽水,自製特飲easy job啦!

菠蘿彩椒生炒骨

生炒骨嘅秘訣在於佢嘅酸甜汁,加上菠蘿,簡直就係畫龍點睛,係炎炎夏日嘅一道開胃好菜。

你或有興趣的「煮」題:

多菜少肉食譜推介

夏日涼拌食譜

 

e-max.it: your social media marketing partner
體內燥熱起骨火,令人周身骨痛,咁就要煲散火粉葛湯飲嘞!加埋利尿嘅赤小豆,去水腫及袪濕,大人細路都啱飲。   材料: 粉葛 約1斤 紅蘿蔔 1條 鯪魚 1條 赤小豆 40g 豬展 半斤 蜜棗1粒 陳皮 1片   做法: 1.赤小豆、蜜棗洗淨備用。 2.豬展切件出水備用。 3.粉葛、紅蘿蔔去皮切件備用。 4.將薑片下油鑊爆香再放入鯪魚每邊煎約4分鐘。 5.將赤小豆、蜜棗、豬展、粉葛、紅蘿蔔放入煲熱水煲滾。 6.再放入已煎鯪魚煲2小時,完成!   你或有興趣的文章: 中醫湯水推介 紓緩寒咳、熱咳 1分鐘烹飪教室:海底椰蘋果雪梨豬腱湯  
2019-02-18,週一
位於西環內街的彩,一到中午便大排長龍,想試呢度嘅沾麵,一定要早少少黎等位。呢度嘅麵條確係與別不同,首先自設機器每日新鮮製作,麵條熟成一晚後,入口煙韌不帶鹼水味。而且一日一款特別口味,像柚子拉麵、羅勒拉麵等。今次就試咗豬骨湯底配清香羅勒麵($78),湯頭加入利尻昆布、蔬菜熬足一天,味道濃郁。又有一款北海道蝦油蝦汁蝦膏配味噌,味濃之選($88)。追加$10可多隻溏心蛋,半熟的蛋黃,必試!   彩拉麵 地址:西環石塘咀屈地街16號金陵大廈地舖 電話:2440 0900   你或有興趣的文章: 64折食Buffet 任嚐生蠔海膽鵝肝 打邊爐!韓牛放題火鍋店  
2019-02-14,週四
茶飲店愈開愈多,甚至大排長龍,但根據消委會與食物安全中心合作測試的報告顯示,有5款茶飲含糖量超出晒每日攝取上限,卡路里之高亦唔講得笑,一齊睇下邊5款茶要小心別飲太多! 先介紹一下游離糖,即係製造商、廚師及消費者在食物添加嘅單糖和雙糖,而世衛一向建議一般成人每日攝取嘅游離糖,應少於50克。如果想減少蛀牙,攝取量更應少於25克。是次研究揀左78款非預先包裝嘅原味茶飲進行測試,發現有5款糖含量超出全日攝取上限50克,最勁原來係抹茶拿鐵,含糖量72克!飲一杯等如攝取左14粒方糖。其餘4款百香果紅茶、芒果綠茶、茉莉綠茶、蜂蜜綠茶,亦界乎50至55克游離糖。至於平均含糖量最高就係百香果紅茶,每100克飲品有7.1克糖,不妨同平均含糖量最低嘅芝士奶蓋/奶蓋綠茶比較一下,佢哋每100克只含3.5克糖,少一倍有多架! 落單時消費者可以要求少糖,一般黎講係會較原味含糖量低,不過你知啦,手沖飲品每杯添加嘅糖分,有機會時多時少。加上例如百香果紅茶、蜂蜜綠茶,好多原材料本物已含糖,所以少糖、走糖仍然要小心攝取量。 於這次測試中,人氣珍珠奶茶並唔係完全置身事外架!珍珠本身已經係糖分同卡路里嘅來源,於不加糖嘅茶飲抽取珍珠來測試,樣本顯示,最高游離糖含量可以係攝取上限嘅22%。眾茶飲中,珍珠奶茶嘅平均卡路里亦係最高,其次就係芋香奶茶、芝士奶蓋/奶蓋綠茶、抹茶拿鐵,所以大家同樣要注意珍珠嘅分量。   你或有興趣的文章: 四川烤全魚 紅磡抵食推介 沙嗲軒秘製叻沙工作坊 又學又食有禮送  
2019-02-14,週四
成條魚上都係$168,啖啖肉!又可以揀唔辣或微辣,再送白飯,開餐推介!呀!佢嘅下午茶魚湯米線都好足料,$26起大大碗。   巴蜀烤全魚 地址:紅磡蕪湖街66號地下 電話:23622378   你或有興趣的文章: 64折食Buffet 任嚐生蠔海膽鵝肝 長沙灣 特濃蝦汁番茄湯沾麵  
2019-02-12,週二
Harbour Grand Café的地中海自助晚餐,不單有即叫即開的生蠔、逢周五及周六晚供應的海膽,還有龍蝦、麵包蟹、多款刺身及鵝肝多士,全部任食。其他菜式主要選用本地食材,再配以地中海式烹調,例如加入香草、洋蔥、茄膏等,炮製成獨特的風味,推介菜式包括地中海燒鱸魚、燴羊配芝士、炸多春魚、烤茄子配雜錦橄欖及大蒜。中式菜餚則包留傳統滋味,例如糯米飯蒸蟹、潮式蠔仔粥。 最後別忘了吃甜品,12款Mövenpick雪糕叫人眼花繚亂,還有不時新鮮出爐的龍蝦梳乎里,香甜的味道夾雜著少許龍蝦味,坊間自助餐不多見!現惠顧自助晚餐,每位成人可免費獲贈鮑魚鵝掌一客。此外,1至5位來可享7折、6位或以上可享65折,於網上商店訂購,則享最高64折優惠,詳情:https://goo.gl/duqvC8    情傾地中海自助晚餐 價錢: 成人$588/位、小童$358/位(週日至週四) 成人$618/位、小童$388/位(週五、六、公眾假期及公眾假期前夕) 網上商店64折起:https://goo.gl/duqvC8 地址:北角油街23號港島海逸君綽酒店3樓Harbour Grand Café 電話:2121 2689   你或有興趣的文章: 沙嗲軒秘製叻沙工作坊 又學又食有禮送 首間薩摩牛專門店!$20食巨型高級和牛串  
2019-02-08,週五
百合保濕焗茶 適合女士們飲用、具保濕功效的美顏焗茶,可以選用百合、蓮子、浮小麥及紅棗混合飲用。百合和蓮子具益氣安腎神功效,有滋陰作用,如果女士們需要經常捱夜、睡眠質素一般,或發現皮膚乾燥及毛孔粗大時,也適宜飲用來保養。   材料 百合 10克 蓮子 10克 浮小麥 10克 紅棗 3粒 山楂消滯茶 每逢時節飯局多,容易攝入過多熱量,飲用山楂消滯茶有助消化及通便排毒。材料包括山楂、菊花、大麥、炒決明子及甘草,山楂和大麥健脾消滯,適合女士們午飯後飲用,也具利水、清肝明目之效。只要把上述材料放入茶包,焗 20 至 30 分鐘便可;但緊記不宜空腹飲用,建議每天飲兩至三杯,不宜過量。   材料 山楂 5片 杭菊花 2朵 大麥 6克 炒決明子 6克 甘草 2片   你或有興趣的文章: 中醫湯水推介 紓緩寒咳、熱咳  超潤!木瓜牛奶燉蛋DIY  
2019-01-31,週四
出現寒咳往往跟體質弱有關,大部分患者會怕冷,他們的痰呈現白色,如口水般的狀態,寒咳患者晚間咳得較嚴重。紓緩寒咳的食材有白胡椒、陳皮、芡實、杏仁等。芡實具補脾益腎作用,寒咳者容易久咳傷腎,芡實可以補腎氣。而陳皮則有燥濕化痰、理氣功效,有時咳到氣喘,或咳得不能上氣時,也適宜食用陳皮。不妨試下註冊中醫黃晶晶介紹的驅寒白胡椒湯! 材料: 白胡椒粒 15 克 芡實 30 克 陳皮 半個 淮山 300 克 白果 10 粒  鹹菜 150克 豬展 1 斤(或豬肚1個)   至於患上熱咳的人,病程會較短,他們往往帶有喉嚨痛的症狀,痰呈現黃色,是黏稠的。桑葉、菊花、川貝、胖大海等食材都能紓緩熱咳;其中,胖大海、桑葉、菊花可以焗茶飲用,或者可以加入羅漢果、西洋菜、豬骨等,煲成下火的西洋菜豬骨湯。 材料: 西洋菜 1 斤 羅漢果半個 南北杏各 15 克 白扁豆 15 克 陳皮半個 生薑 1 斤 豬骨 1斤   更多西洋菜湯食譜   你或有興趣的文章: 1分鐘烹飪教室:海底椰蘋果雪梨豬腱湯 3分鐘紓緩經痛 玫瑰花特飲  
2019-01-31,週四
荃灣區全新酒店Hotel Cozi雖然唔太就腳,但半自助餐價錢相當吸引!例如星期一至五半自助午餐$118起,再設八折優惠;半自助晚餐就買二送一,主菜由你自己揀,每款$168至$268不等,選擇包括酥皮焗三文魚柳配時蔬、燒穀飼BBQ豬肋骨、紅酒燴牛膝配薯蓉等。 星期六日及公眾假期黎幫襯,將變成全自助餐,有齊中西美食。海鮮頭盤有加拿大鱈埸蟹腳、藍青口、翡翠螺,仲有即點即切刺身添。另有17款沙律、超過30款熱食如北京烤鴨、燒紐西蘭西冷牛扒伴燒汁、燒羊脾。最後當然要食埋20款精緻甜點、7款Häagen-Dazs雪糕啦!Hotel Cozi除了餐廳The Platter,仲有間COZi Lounge,現正推出3款創意十足雞尾酒,以唔同中國名釀及名酒調配而成,約朋友把酒談歡唔錯架!   The Platter 價錢: 星期一至五 半自助午餐,11:30am-2:30pm,正價$118起,八折優惠 半自助晚餐,6:00pm-9:30pm,正價$168起,買二送一 星期六日及公眾假期 自助午餐,12:00-15:00,正價$228起,買二送一 自助晚餐,6:00pm-9:00pm,正價$388起,買二送一 (所有優惠三月底前生效) 地址:葵涌青山公路葵涌段443號悦品酒店‧荃灣LG樓 電話:3891 1928 交通: 1.港鐵葵興站D出口步行約9分鐘 2.於葵芳乘坐酒店接駁巴士,半小時一班 詳情:https://www.hotelcozi.com/oasis/zh-tw/home   你或有興趣的文章: 九龍酒店教整餅 D24榴槤芝士蛋糕班 台灣大熱髒髒包 香港有得食  
2019-01-29,週二
全港首間鹿兒島薩摩和牛專門店「裕千家」開張嘞 !呢度賣嘅薩摩和牛全部由自家農場直送,嚴選A4或以上級別才發售,肉味濃郁,油份又恰到好處。為慶祝新店開業,即日起至2月10日每晚上七時起,大家可以$20嘆到18吋「日本一」 薩摩A4和牛雜菜串燒,每晚限售50串,每人限買一串,先到先得!推廣期內於店內購買薩摩和牛滿$500,又會送精選小食一份。 新店另售多款高級食材及優質凍肉,例如英國Bryduck Farms自然豬、英國皇室御用乾式熟成28日帶骨斧頭牛肉眼、英國皇室御用乾式熟成10日羊後腿扒、美國自然雞、匈牙利A級鵝肝片、刺身級紐西蘭有機半殼生蠔等,均屬優質靚貨。 「裕千家」店內又特設熟食區,供應愈10款小食及便當,好多都係即叫即製,相當惹味,例如燒牛油珍寶帶子串、四川麻辣風味魚蛋、日式燒汁烤無激素雞中翼。另有份量十足嘅醬燒和牛肉便當、韓式牛肉便當及豚肉蛋便當等,與店內售賣嘅日本果酒、清酒非常對味。   裕千家 地址:九龍城獅子石道57號新康大樓地下 電話:2163 9999   你或有興趣的文章: 4呎長美食拼盤+啤酒任飲 KiKi台式特飲店 甜點飄茶香  
2019-01-27,週日
數數手指,頂級法國朱古力品牌Jean-Paul Hévin Chocolatier已暫別香港兩年,最近重臨香港,在中環ifc的city'super開設專門店,更特別為Fans帶來四款首次亮相香港的創新口味。其中三款是全新的Bonbon朱古力,口味包括「Happy蜂蜜味黑朱古力」、「塔那黑朱古力」及「馬達加斯加黑朱古力」。 「Happy蜂蜜味黑朱古力」是招牌黑朱古力配蜂蜜夾心,甘甜味道果然讓人很快樂。「塔那黑朱古力」帶酸酸的紅桑莓味道,非常醒神。至於「馬達加斯加黑朱古力」,以馬達加斯加年份可可豆製成,可可比例不少於68%,甘醇味道令人難忘。第四款新品是「扁桃仁抹茶味朱古力」,由焦糖杏仁、牛奶朱古力及抹茶組成。同系列另有配黑朱古力及牛奶焦糖鹽味朱古力的,同樣受歡迎。 Jean-Paul Hévin Chocolatier其他經典產品不可不提雙色馬卡龍,均以低糖朱古力內餡代替果醬夾心,例如「熱情果牛奶朱古力馬卡龍」、「開心果黑朱古力馬卡龍」,都是熱賣口味。   Jean-Paul Hévin Chocolatier 地址:中環金融街8號國際金融中心商場一樓1041-1049號舖 查詢:2736-3866   你或有興趣的文章: 打邊爐!韓牛放題火鍋店 搶購!小王子全球獨家限量禮盒  
2019-01-27,週日
搵地方同朋友Gathering,Beerliner German Bar & Restaurant個派對狂熱巨型拼盤(每位$350,8-10位用)夠哂睇頭!四呎長拼盤內有:煙三文魚泡芙、香脆魷魚圈、德式香草炸雞鎚、德式鮮菜沙律、德式薯仔沙律、德式麵包圈配風乾火腿、燒豬手肉絲卷及薯條。 仲有個份量十足嘅主菜拼盤架,食物包括:番茄黑松露醬大蝦意粉、德式鄉村肉批、原隻燒春雞、香煎紐倫堡腸、自家製墨西哥辣椒芝士腸、香煎圖林根腸及迷你辣肉腸,計埋前菜,十幾款美食擺响你面前。連飲品都幫你預備好,兩小時生啤或汽水任飲。前菜拼盤及主菜拼盤一日前預訂即可品嚐,至少8人份。 餐廳另有多款全新菜式,例如原隻特色燒春雞($175),金黃Juicy。300克燒美國肉眼扒配扒鮮菜、焗薯及蒜蓉忌廉汁($228)就最啱愛牛人士。水煮德國豬手配酸椰菜及薯蓉($238)亦夠特色,5小時慢煮令豬手好軟嫩。用意大利雪糕壓成意粉狀嘅甜品夠晒鬼馬!佢就係甜品火焰意大利雪糕意粉($68),飯後甜品首選。   Beerliner German Bar & Restaurant   地址:旺角朗豪坊13樓05店 電話:2972 0078 地址:大角咀海泓道1號奧海城3期地下G18店 電話:2148 5388 其他分店地址:https://goo.gl/xca4VJ   你或有興趣的文章: 台灣大熱髒髒包 香港有得食 打邊爐!韓牛放題火鍋店  
2019-01-23,週三
木瓜、牛奶、雞蛋三者合而為一,又潤又易整!   材料: 雞蛋 1隻 木瓜 半個 糖 少量 木瓜牛奶 1盒   做法: 1.將糖加入雞蛋打均勻。 2.倒入牛奶攪勻 3.過篩將泡沫隔開 4.包上保鮮膜,用大火燉10分鐘 5.加入木瓜粒,再燉5分鐘,完成!   你或有興趣的文章: 改善手腳冰冷 中醫推介桂圓薑茶 睇片學!超易紅酒燴牛尾  
2019-01-21,週一