各位精明眼,一年一度灣仔會展美食博覽又來了!而且已經踏入第30屆,$1優惠愈來愈多,有商戶更加賣大包,$1都唔使俾就任你拎,快啲記低店名及展位號碼掃貨啦!

$0任掃丸類
每日限定30位朋友可以免費玩遊戲,10秒內將各式丸類放進袋,放到幾多送幾多。另有$10專區,各式丸類以超值價發售。
店名:大埔振興
展位:1A-D07 & D09

一百斤花膠$1任扒
安記每年都搞新意思,今年準備了花膠池給大家扒花膠,首日頭10位排隊進場人士即有機會參加。花膠金船內有100斤花膠,將花膠扒出船外,另一位隊友接花膠並放入袋,最後店家會送番同等重量嘅花膠俾你。同場推出全新罐裝地道口味鮑魚,有港式瑞士汁、台式牛肉湯、中式麻辣紅燒三款。
店名:安記
展位:1C-A10

$1玩遊戲 任攞環球美食
每日頭5名排隊入場人士,可以$1雙手任擸環球美食,包括法國金樂絲薄脆、西班牙愛比素蜜糖、意大利馬素尼松露醬等幾十款產品。惠顧任何產品(福袋除外)又可以用$1買到小王子B612星球雜錦餅乾特別版禮罐一盒,每日限量100件咋!
店名:歐洲食品有限公司
展位:1B-C10

首天$1換月餅
原價$268/盒嘅雙星盈月流心月餅,而家$1就買到。內有流心奶黃月餅及流心巧克力月餅各4個。優惠只限美食博覽首日,限量50盒。
店名:鴻星
展位:1C-D10

$1原粒黑松露
「松露女皇」Esther每天帶來10粒黑松露,以$1開心價發售。想要大粒啲?得!買一盒松露奶黃月,再加一盒其他月餅,即送價值$300的原粒黑松露。大家亦可即場品嚐到慢煮溫泉蛋伴松露荷蘭汁,以及鮮刨松露雪糕。
店名:Dolce Dolce
展位:3B–C08

極濃松露薯片$1包
「樂其雅牌」黑松露薯片原價$50/包,美食博覽期間,每日正午12時起首20位顧客可以搶購$ 1一包。另有全新產品極濃松露薯片四重奏,在黑松露薯片內加入黑松露牛肝菌忌廉醬、經典口味黑松露醬、黑松露粉,$20/份。
店名:義生洋行
展位:3B-C14

爆脆!$1芒果/榴槤糯米飯
芒果同榴槤糯米飯,都可以成為零食!採用凍乾技術處理,入口脆卜卜,味道特濃,每日限30位顧客享$1優惠咋。
店名:金京
展位:1A–B24

黑松露系列福袋$1
今年黑松露產品相當多選擇,四海也加入戰圈,推出$1黑松露系列福袋,內有魚皮餃、包心魚丸、炸魚皮,三款都是黑松露味,仲係新登場添!每日早上十時開始,頭10位顧客排隊即有機會買到。
店名:四海
展位:1A-E28

魚蓉燒賣$1十粒
魚蓉燒賣十粒裝,$1一包,不過只限頭一天到陳記點心的100名顧客。不妨排住隊食「滿杯丸丸」$20/杯,內有8粒海鮮丸,配上惹味醬汁及爆炸糖,好醒神。
店名:陳記點心
展位:1B-A21

$5一Pack伊麵
五包裝超力伊麵,限時優惠價$5,即係$1一包。想買平嘢就要每日中午12時去展位排隊嘞,每日限量200份。店家同步推出多個組合優惠,例如$80就買到六款食品,$380共17款食品兼送保溫車。
店名:超力
展位:1C-B02

其他推介

港產抹茶手工啤酒
芬蘭果汁品牌BONNE與本地手工啤酒「吹啤啤」合作,將宇治抹茶加芬蘭蘋果汁,同釀成啤酒。限售500支,$50/支。
店名:BONNE X 吹啤啤
展位:3B-A20

黃婉曼主理 藍帶級烘焙美食
曾修讀法國藍帶麵包課程的黃婉曼,創立自家品牌,主打健康手工麵包。想試她設計的法國黑松露炒蛋牛角包、熔岩芝士波士頓龍蝦黑松露麵包等,要把握機會了。
店名:Rise Kitchen
展位:3B-E19

清甜方便Coco Jelly
展位內除了多款日本水果,亦推介大家試試來自泰國的原個椰青啫喱,開蓋即可品嚐,清甜又消暑。
店名:榮懋大昌
展位:3B-E11

台灣手工蛋糕
要買台灣阿默蛋糕,去美食博覽都買到。以純鮮奶製成的牛油為原材料,配合荷蘭的烘焙技術,軟綿可口。
店名:阿默企業
展位:1B-B29

威士忌芝士
優質芝士香濃味道,與威士忌醇香甚匹配,絕對是尊貴享受。
店名:The Dutch Cheese and More
展位:3B-A21

即食咖喱系列 歡迎試食
著名泰國藍象餐廳自家出品,咖喱醬共8款口味,另有香茅醬、貴刁醬,入饌好方便。
店名:泰國藍象
展位:1C-A28

  • 場內除咗乾貨,仲有好多美食供即場品嚐,保柏 X BottLess推出$20租借餐具服務,支持!

8月15至19日,Hall 3F同步舉行家電‧家品‧博覽,好多產品以展銷價發售,好似 Smartech嘅智能環保空氣淨化冷風機、UV空氣淨化機、無線多功能旋風吸塵機,最多減成九百蚊,鎖定目標入貨啦!
Smartech展位:3F-B16

香港貿發局 「美食博覽」、「家電.家品.博覽」、「美與健生活博覽」:
日期:2019年 8 月15 日至19日(星期四至星期一)
「尊貴美食區」 
日期:2019年 8 月16日至19日(星期四至星期日)
地點:香港會議展覽中心

票價:
套票:$40
美食博覽(公眾館及尊貴美食區)、家電‧家品‧博覽及美與健生活博覽 
*只適用於8月15-18日

門票: $25
美食博覽(公眾館)、家電‧家品‧博覽及美與健生活博覽 

e-max.it: your social media marketing partner
有選擇困難症的朋友去幫襯新張的聰記車仔麵,一定好頭痕!因為實在太多選擇,單是麵底就有十三款、湯底又有七款,餸料甚至超過五十款。最低消費兩餸一麵都係$30,鮑汁花膠做餸都係$33!價錢平民化,難怪贏盡街坊掌聲。 聰記車仔麵老闆謝展聰一向從事飲食業,有感車仔麵極富香港特色,而且多空間發揮,例如餸料,蘿蔔、豬皮、芝士腸固然齊備,店內還有多款坊間少見的誠意之作,推介大家一試芫荽韮菜花餃,帶爽脆口感,清香味道亦相當出眾。嗜辣的話必試招牌辣肉碎及雲南腩肉,前者以半肥瘦豬肉炒製,精髓是加了香港少有的雲南醬同炒,香辣刺激。 另一賣點是鮑汁花膠,老闆透過朋友,以超值價買到花膠,他亦藉此機會益街坊,跟車仔麵點選,鮑汁花膠每份$12咋!滑溜彈牙,非常受女士歡迎。滷水餸料亦精彩,聰記的滷水汁,加了可樂提升鮮味,滷水膽又會每天加入新材料熬煮,味道更富層次,所以滷出來的金錢肚、大腸、雞翼、雞腎等,都帶醇醇的滷水陳香。 至於湯底,是熬了十多小時的鮮濃高湯膽,配上麻辣汁、腩汁、滷水汁、咖喱汁、沙嗲汁,即成惹味湯底。大家亦可選清湯或番茄湯,適合配不同餸料。別忘了吃麵時,加入自家炒製的菜脯,鹹香爽脆,愈食愈開胃。即日起至7月31日,凡惠顧全單九折,消費滿$50可獲贈招牌菜脯一樽。 聰記車仔麵 地址: 旺角廣華街2-20號翠園大樓二期地下8號舖   你或有興趣的文章: 【味之大賞 香港】用心製作 迎難以上 港原味 【陳家廚坊煲湯系列】雞腎、雞胗大不同 落腎煲湯有腥味  
2020-07-16,週四
煎牛扒好食,焗都唔差架!將肉與軟腍嘅肉眼扒切粒入爐焗,可以保留豐沛肉汁,用錫紙包住焗,更加係無油煙、易清洗! 材料: 愛爾蘭優質天然有機肉眼 227克 薯仔(新薯) 3-4個 紫洋蔥 半個 鹽 適量 胡椒粉 適量 新鮮百里香 1束 錫紙 適量 巴馬臣芝士碎 1/4 杯 煙肉碎 2湯匙 蔥花 適量 蒜蓉牛油 50克 蒜蓉牛油做法: 牛油 50克 蒜蓉 2湯匙 *蒜蓉牛油混合,放入微波爐加熱20秒至牛油熔化。 做法: 1. 肉眼扒抹乾,切塊,下鹽和胡椒粉,醃半小時。 2. 將一半蒜蓉牛油與肉眼扒拌勻。 3. 薯仔烚半小時,切角。紫洋蔥切碎,備用。 4. 把餘下的一半蒜蓉牛油,加入薯仔及洋蔥拌勻。 5. 預熱焗爐至200度。 6. 肉眼扒、薯仔、洋蔥、新鮮百里香用錫紙包好。 7. 放入焗爐焗15分鐘,反轉整個錫紙包,再多焗10分鐘。 8. 打開錫紙包,加入芝士碎再焗3分鐘。 9. 焗好後灑上煙肉碎和蔥花。   你或有興趣的文章: 【健康好煮意】開胃話梅山楂排骨 百變飯煲菜 蝦仁番茄豆腐湯  
2020-03-31,週二
Lunch Hour明顯多咗人叫外賣或帶飯,為咗冇咁悶,不時轉下口味咯!好似韓國即食雞肉品牌Rankingdak,推出咗好多叮叮雞肉新品,足不出公司,都可以食到小籠包、人蔘雞湯飯,在家工作都啱架! Rankingdak的食品主打健康、低脂、低卡,不過健康得來不減惹味,例如新品雞胸肉小籠包,有原味、泡菜味、燒肋骨味揀(各 $35),低脂雞胸肉餡唔肥膩,兼有彈牙口感,配薯粉製成的外皮,口感煙韌。 特別推介山蔘雞湯飯($79),有湯又有飯,湯底用雞腳熬煮,帶回甘味道,不過濃。配料是手撕雞肉、山蔘及初芽GABA糙米,有質感卻不鞋口,加上有熱湯飲,特別受OL歡迎。 如果只想加味佐飯好菜,醬汁雞胸片最適合不過,有番茄味、燒烤味、蒜味三款(各 $30),香濃又不會似柴皮,頗有驚喜。建議配搭杯裝蒟蒻米炒飯(各 $35),配料超多,可以揀不辣的蘑菇蒟蒻米炒飯,或特辣雞肉蒟蒻米炒飯,同樣好味。唔想叮,Rankingdak部份產品可以熱水浸同煎煮。   Rankingdak 網上商店: www.rankingdak.com.hk   你或有興趣的文章: 【健康好煮意】開胃話梅山楂排骨 開飯!日式薑蔥焗蠔飯DIY  
2020-03-27,週五
將軍澳Spot Mart同TKO Spot優化後全新登場!佢哋係區內唯一以健康生活及文化作定位嘅商場同街市,有得行、有得食仲又得玩。TKO Spot內的小食檔,更是焦點所在。因為優化後,場內引入多達50個小食檔,完全滿足為食一族嘅掃街癮。 食店選擇包括日式美食「日和屋」,親民價錢提供多款特色手卷,店舖更營業至深夜,是名符其實的「深夜食堂」。另有「師父仔」,各式地道街頭小食應有盡有,必試每日限量鮮製手工粉果,以及足料鯪魚肉煎釀三寶。甜品亦係不可少,「糖將軍」自家製嘅芋圓軟糯煙韌,主打台式甜品特飲,正中大家所愛! 至於鮮活街市Spot Mart,有專售本地及入口蔬菜的「恩田蔬菜」、提供各地無激素高質素肉品的「Mr Beef」,貫徹健康生活主題。細心留意,Spot Mart內加入了藝術元素,由插畫家Vivan Ho以新鮮和動感為題創作壁畫,為鮮活市場增添活力氣氛!   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒
2020-03-23,週一
一聽焗蠔飯,好似好複雜,其實烹飪新手都煮到,最緊要生蠔洗得夠徹底。記得添多碗飯,佢先係精髓,加咗蠔汁同煮,鮮味無窮。 材料: 日本廣島蠔2L(急凍) 10隻 米 360克  薑絲 20克  水 360克  鹽 適量 生粉 適量 醤油 3湯匙 清酒 3湯匙 味醂 2湯匙 蔥粒 適量    做法: 1. 米洗淨備用。 2. 用生粉及鹽搓洗生蠔,沖淨後印乾水分。 3. 水、清酒、味醂、醬油倒入煲內煮滾。 4. 加入生蠔,中火煮約3分鐘。 5. 蠔汁加入白米一同煮成飯。 6. 薑絲及生蠔置飯面焗10分鐘。 7. 加適量蔥粒在飯面作裝飾。   你或有興趣的文章: 速學!百搭橙香汁 啱配豬羊雞(附烤肉架食譜) 【女煮人Kinki系列】意式蕃茄一口多士  
2020-03-19,週四
位於台灣宜蘭的逢春園渡假別墅,不時為住客舉辦烹飪工作坊,教整特色美食。之前教大家整過棒打綠豆糕(食譜重溫),今次學埋南瓜慕絲蛋啦!營養豐富又易整,最適合同小朋友一齊DIY!   逢春園曾兩次獲得HotelsCombined全球旅宿卓越大獎、Tripadvisor優良民宿獎: https://fengchunvilla.com.tw/ 材料: 南瓜、沙律醬、芝士、芫荽 各適量   做法: 1. 蛋烚熟切半,取出蛋黃。 2. 南瓜蒸熟去皮。 3. 蛋黃、南瓜、芝士及沙律醬混合。 4. 把蛋黃醬唧在蛋白上,放一片芫荽裝飾。   你或有興趣的文章: 宜蘭民宿私房食譜 棒打綠豆糕 一「飯」煲搞掂 豉油雞翼蒜香飯  
2020-03-17,週二
如果煲湯材料有肉類,最好先汆水,煲走黏附在肉面嘅雜質同血污。汆水唔係就咁放舊肉入水就得嘅,要撇下泡,過埋冷河,而家Step By Step示範俾你睇啦!   1.熱水加入肉類 2.略滾後撇走水面白泡和雜質 3.夾起肉類過冷河   食譜: 海帶杞子豬骨湯 黑豆墨魚豬展湯 雞骨草蜜棗煲豬骨     你或有興趣的文章: 一「飯」煲搞掂 豉油雞翼蒜香飯 【陳家廚坊煲湯系列】煲湯落薑 去皮?連皮?  
2020-03-17,週二
用飯煲烹調菜式真係好方便,煮飯淥麵連滾湯都得,好似呢款蝦仁番茄豆腐湯,分次放入材料,滾番起就飲得!仲可以重溫用飯煲焗豉油雞翼兼煮飯(按此)或者煮日式咖喱烏冬(按此),一樣快靚正又香噴噴。 材料: 番茄 1個  豆腐 1/2盒  蝦仁 6隻(約60克) 蒜頭 2瓣  乾蔥(切片) 1粒 蔥(切粒) 1條 清水  500毫升     做法: 1.番茄、豆腐、蝦仁切粒。 2.開啟煮飯程式 加適量油。 3.放入乾蔥爆香。 4.加入番茄煮至軟身,加清水。 5.蓋上蓋焗煮10分鐘。 6.加入豆腐,滾起加入蝦仁。 7.滾2分鐘,落鹽調味。 8.烹調至煮飯程序完結。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-24,週二
上星期介紹過用飯煲焗豉油雞翼兼煮飯(按此重溫),今次用飯煲整咖哩烏冬,一樣快靚正又香噴噴,仲可以放喜歡嘅餸料一齊煮汁。 材料: 烏冬 1包 中型薯仔 1個 蘑菇 4粒 豆卜(切半) 4粒  小茄子 2個 蒜粒 2瓣 清水 750毫升 酒 適量 牛油 1角   調味料: 咖喱磚 2粒 白醋 1茶匙   做法: 1.薯仔洗淨、去皮、切粒。 2.茄子洗淨、切粒,浸於鹽水中待用。 3.蘑菇洗淨,切粒。 4.咖喱磚加少量開水拌勻至汁狀。 5.開啟煮飯程式,加適量油,爆香蒜粒。 6.加入牛油煮溶。 7.放入蘑菇,煮約30秒。 8.加薯仔、茄子炒勻,焗煮約1分鐘至滾起 9.加入豆卜及清水,蓋好蓋煮至滾起。 10.拌入咖喱汁,煮滾後加白醋調味。 11.加烏冬,蓋好蓋煮至程式結束。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-17,週二
羊扒唔一定配薄荷汁,醒胃嘅橙汁同羊味都好夾架,加上天氣濕黏黏的,一齊黎開開胃啦! 材料: 法式羊架 8支骨(約600克) 雜色燈籠椒 200克 蒜頭(切碎) 4瓣 蒜頭(切片) 4瓣 鮮橙(取汁)  3個 新鮮百里香 15克 海鹽 適量 黑胡椒 適量   做法: 1. 羊架用海鹽、黑胡椒醃透。 2. 燈籠椒切小塊。 3. 爆香蒜頭、燈籠椒。 4. 落鹽調味。 5. 熱油放入羊架,煎至外層轉色。 6. 預熱焗爐至180度,焗30分鐘。 7. 羊架回鑊,加蒜頭、百里香、橙皮。 8. 加入橙汁拌勻。 9. 伴橙汁品嚐。   你或有興趣的文章: 【女煮人Kinki系列】意式蕃茄一口多士 一「飯」煲搞掂 豉油雞翼蒜香飯  
2020-03-16,週一
一個飯煲令你變大廚!唔使多功能飯煲、唔使廚藝了得,用最基本嘅煮飯程式,已經可以煮到靚餸同煲湯,好似呢味豉油雞翼蒜香飯,步驟簡單,唔使睇火,一人簡餐之選! 材料: 雞翼 1/2磅 白米 1杯 清水 1杯 蒜頭(切片) 4瓣   調味料: 生抽 1茶匙 老抽 1茶匙 陳醋 1茶匙 砂糖 2茶匙 紹興酒 2茶匙   做法: 1. 白米洗淨瀝乾,加入蒜片及清水,蓋上蓋,開啟煮飯模式。 2. 雞翼洗淨瀝乾,拌勻調味料,用來醃雞翼30分鐘。 3. 白米煮約5分鐘後,加入雞翼,繼續煲煮。 4. 煮飯程式結束後,再焗10分鐘即成。   你或有興趣的文章: 【一人簡餐】30秒學整芝味蛋多士杯 加咖喱粉調味 薯仔蛋沙律有驚喜  
2020-03-11,週三
冇心情岀街?又唔想買餸煮飯?食住家飯食到悶?一文教你在家如何食盡各地美食!咪就係叫外賣囉! 和平飯店 經典正宗滬、京、川菜館「和平飯店」因應疫情,推岀網上訂餐平台服務,油塘店和V Walk店推岀全日指定外賣餐牌自取半價優惠,心思思想食個小籠包都冇難度。在附近上班的朋友Lunch Time亦多個選擇,上網提早預訂慳錢又慳時間。   和平飯店 地址:油塘高超道38號大本型2樓237號 / 深水埗V Walk 2樓L2-26號舖 訂購連結:https://qrgo.page.link/bk3JB Ruby Tuesday 半價優惠停不了,美國菜餐廳Rudy Tuesday相信無人不曉,餐廳現在推岀外賣自取單點食品半價!用一半價錢就能品嚐到地道美國菜,限時雙重優惠下,消費$500以下將獲贈$50堂食美食券,滿$500更可獲手機版360日特惠通行證會籍!   Ruby Tuesday 分店查詢 板長寿司 壽司專門店「板長寿司」推岀外賣自取折扣,會員8折,非會員亦可享85折,如折實後消費滿$1,000,更隨單送梅酒或清酒一枝,終於可以食日本菜了!   板長寿司 訂購電話:3766 3766 圃鍋 又係打工仔福音,灣仔區私房菜「圃鍋」新增外賣套餐系列,白飯加餐湯$65起,訂3個餐或以上即提供區內外送服務,套餐有齊中式、日式選擇,店家更會隨餐附送酒精搓手液和口罩,十分貼心。堂食火鍋有7折優惠! 圃鍋 地址:灣仔軒尼詩道314~324號W Square 4樓 電話:2891 8689  牛角 以為屋企無燒烤爐就食不到燒肉?日式燒肉人氣食店「牛角」繼推岀「帶回家」燒肉套餐低至8折優惠,4人份會員價只需$737.1便可享用7款烤肉、共11款烤物、招牌牛角飯、香蔥温泉玉子飯和飲品。配合套餐推廣,3月前購買$3,500的「帶回家」燒肉券套裝,即可帶走價值$1,800的光波燒烤爐!家中已備有烤爐則可選擇即時扣減$1,000優惠。   牛角 優惠詳情:http://bit.ly/2PrasRy  寬巷子 台灣過江龍「寬巷子」,主打台式火鍋,創意配料賣相精緻,玫瑰松板豬尤其岀名,有「藝術火鍋料理」之稱,是台北有名的火鍋店。「寬巷子」在疫情下設火鍋外賣服務,只要在下午5時前下單,即晚就能食到地道的台式麻辣火鍋!速遞火鍋享7折,消費滿$1,000,九龍區内免費送貨,選擇自取更低至半價!   寬巷子 地址:海港城海運大廈地下 OTG57舖 電話:3188 2840   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒      
2020-03-20,週五