喜歡不時轉換店子主題的日和号,繼「我係小忌廉」丶「足球小將」後,今日起以多啦A夢劇場版動畫「STAND BY ME多啦A夢3D」為主角!
記憶麵包水果風甜食盤 $58
STAND BY ME感動咖啡/朱古力 $38
多啦A夢和風紅白甜點 $58
多啦A夢洋風甜品全餐 $58
加$20送揮春,送完即止。
可以拍照的書桌舞台。
店內極多影相位,先是餐廳正門,有架多啦A夢JR,車頂還裝上了牠的竹蜻蜓。車前放了多位主角的紙板,可以隨時跟他們合照。特設放了大雄書桌的場景舞台,客人可以把頭伸進書桌抽屜內拍照,有趣又有親切感。
食物方面,雖然沒有豆沙餅,但Pancake、記憶麵包亦足夠撐場。鬆軟Pancake印了多啦A夢的嘜頭,配綠茶雪糕、水果,還有日本年糕和紅豆湯,香甜軟糯,好豐富。
學生哥最想擁有、食完記性超強的記憶麵包,新店亦有供應,麵包上印了可愛圖案,可蘸蜜糖和士多啤梨醬。伴水果吃,更帶來幾分清新。配一杯放了多啦A夢糖紙的咖啡或朱古力,香滑!
現凡惠顧任何主題食品,加$20即可換購全港獨家的主題揮春,一套六款,換完即止。晚市消費滿$400,又有機會獲贈「STAND BY ME多啦A夢3D」戲票2張。新店例必爆場,好彩農曆年有幾天假,可以慢慢排隊。
日和号
地址:九龍灣宏照道38號MegaBox L1005號舖
你或有興趣的文章:4大至Hit煙花地