85折日本賀年禮盒

賀年禮盒都可以好Cute好潮,零食物語今年繼續引入多款日本直送禮盒!例如「和菊牛奶曲奇禮盒」、「松榮紅豆雜錦草餅禮盒」、「大藤東京之回憶雜錦禮盒」。其中「松澤富士山忌廉泡芙禮盒」的泡芙,外層微脆,內含軟滑忌廉,味道一流。至於「松澤優果選雜錦禮盒」,包括草餅、蛋糕、紅豆粒餡餅、紅豆粒泡芙、焦糖布丁蛋糕、河童造型牛油曲奇,保證收到唔會轉頭送俾人。即日起至2月7日,凡購買指定禮盒,第2件85折,會員75折!查詢:2797 9967


2017-01-17, 週二
$550聖誕除夕餐

荔枝角Rustico設計的6道菜佳節晚餐,充滿西班牙風味,看看菜式你就明!包括西班牙鴨胸火腿薄餅,馬天尼酒煮西班牙螄蚶、西班牙紅蝦伴白豆忌廉,再來是西班牙朝鮮薊伴香煎帶子,主菜烤春雞伴蘋果蓉,製法亦依照加泰羅尼亞傳統。另可選多寶魚或Hake鱈魚伴蜆肉(只限12月25及31日供應)。連甜品共6道菜,$550起/位,價錢相當吸引。電話:2743 4511


2016-12-15, 週四
金莎朱古力晚裝

以金莎朱古力為創作靈感嘅衣飾係點架呢?金莎最近請咗國際時裝設計師Vivienne Tam設計晚裝及珍藏禮盒。晚裝最上層顯現如金莎包裝紙的紋理,非常華麗。至於限量朱古力禮盒,設計呼應晚裝花紋,每日僅發售60盒($295)。凡購物15或30粒禮盒裝,再可獲贈燙金名牌一個,讓你印上收禮者的名字,更顯獨一無二。活動即日起至2017年1月1日,於銅鑼灣Hysan Place中庭內舉行。


2016-12-13, 週二
芝士火鍋方便裝

Gusteau's「瑞士芝士火鍋」套裝,最近出咗聖誕升級版,好啱作為禮物,或買來自用。套裝包手製陶瓷鍋一個,全新版更輕薄,傳熱更均勻。附送兩包芝士,無論份量、口味都預設好,開封後放進鍋,加白酒煮溶,即可配麵包、蔬菜享用,香濃軟滑。套裝另包專用叉、小洋燭、禮物袋和聖誕兔,實在方便。早鳥價$358/set。電話:9882 -5211


2016-12-13, 週二
健康曲奇禮盒

Green Common的聖誕曲奇禮盒,唔只健康,仲好環保!今次推出的無蛋奶雜錦曲奇,全手工製造,選用天然材料焗製而成,不含色素、香料、防腐劑等。5款口味包括杏仁條、蝴蝶酥、薑餅人、榛子曲奇及紅莓燕麥曲奇,各有特色。包裝亦見心思,6款禮盒皆可循環再用,招紙又可做杯墊或心意卡,別緻呀!每盒$168起,另有小包裝$82。電話:2263 3153


2016-12-07, 週三
$1両位元堂冬蟲夏草

每年工展會的$1優惠絕對是全港市民搶購品焦點所在!今年位元堂於首日推出$1購買一両西藏野生精選粗節冬蟲夏草(價值$6,980)。此外市民亦可以$1購買120包精選四季湯包(價值$6,390),包括淮山銀耳益胃湯、五指毛桃潤肺湯、羅漢果潤肺湯及海龍海星補腎湯;以及$1 購買韓國六年根高麗紅蔘蜜餞片1盒/20克(價值$88),全部限量發售,手快有手慢冇!位元堂工展會攤位:香港名牌廣場區 1B 71-76 工展會舉行日期:10/12/2016-2/1/2017


2016-12-06, 週二
大分縣雞肉天婦羅丼

九州大分縣傳統愛以雞肉作家庭料理及喜慶菜式,丼丼屋新引入當地「豊ご屋」的名物「大分雞肉天婦羅丼」!它由「雞肉味付飯」及「雞肉天婦羅」組成,前者可以嚐到雞肉絲、牛蒡及秘製醬汁的香氣;後者選用日本雞肉,用醬汁醃足一天再上粉炸,外脆內多汁,配柚子醋啫喱醬好清新。$78(配味噌湯及漬物)就可以一次過食齊大分縣兩大名物了!


2016-11-28, 週一
香蕉軟心卷

美心西餅嘅新品好可愛!呢款香蕉軟心卷($88),中間有層朱古力忌廉,用澳洲有機牛奶製成,成3.9%奶脂,所以又香又滑。唔止!仲有法國香蕉果蓉吉士,配最外層香蕉蛋糕,鬆軟不膩,同外表一樣得人鍾意。


2016-11-23, 週三
超值扒餐

去Baby-K寶貝廚房開餐,真係好抵!$150左右可以享用美國Duroc豬扒、12安士安格肉眼扒喎!Duroc豬肥瘦肉均勻,肉質鮮嫩。肉眼扒味道亦香濃,仲要配厚切薯條,大滿足!新張期內首25位惠顧黑松露炒蛋,可獲升級至原片黑松露,再送黑松露忌廉扭扭粉。電話:3704 7821


2016-11-22, 週二
食甜品顯愛心

PizzaExpress設計萬聖節菜式之餘,不忘支持癌症基金會的「粉紅革命」,其節日限定的嘩鬼蛋糕($48/客),每售出一客即捐贈$5給基金會,作為免費乳癌支援服務的善款,如此有意義,當然要大力支持。蛋糕本身賣相亦有趣,朱古力漿伴以蛋白餅小鬼,這個黑白配,為香濃朱古力蛋糕增添了不少節日氣氛。


2016-10-12, 週三
冬天食羊肉進補,不過唔少人怕羊肉有陣膻味。 造成膻味嘅主要成分係羊皮脂腺嘅分泌物,集中於脂肪範圍, 只要剔除羊肉肌肉間隙帶脂肪嘅筋膜,將肥、瘦肉洗淨,即可去除一部分膻味。 另外,還有幾個去膻大法可以參考:   1. 米醋 將羊肉切成塊狀後放入鍋內,加適量的清水,然後倒入少許的米醋,用大火煮滾後就可以撈出羊肉, 重新更換一鍋清水,烹煮羊肉時加入其他調味料,即可去除羊肉的膻味。   2. 花椒 將適量的花椒用沸水浸泡,冷卻後將花椒濾除, 將切好的羊肉拌入花椒水中,10分鐘後加入適量粟粉烹炒。   3. 大蔥 大蔥加羊肉可以將膻味趕走,又可以煮成葱爆羊肉。 大火一爆炒,大蔥的味道可蓋住羊肉的膻味。   4. 橘子皮 燉羊肉時放少許橘皮下鍋,煮沸之後就將橘皮撈起來丟掉, 再放入幾個橘皮繼續煮,重複幾次就可以去除羊肉的膻味,更可帶出羊肉的鮮味。   5. 牛奶 牛奶可以去除羊肉膻味?沒錯!將切好的羊肉,用牛奶浸泡10分鐘就可以啦! 葱爆羊肉 Click圖即睇食譜 更多相關食譜:腐竹炆羊腩、薏仁生薑羊肉湯、黑椒爆羊肉   你或有興趣的文章:動手整!炸出嫩滑鮮奶   今晚在家煮乜好:止痕抗敏6大食療 在家輕鬆煮
2017-01-18,週三
大型活動中環年宵2.0「Mart in Hong Kong」於1月24日(年廿七)至27日(年三十),在於中環海濱摩天輪下舉行。景固然靚爆,屆時仲有80個精選攤檔等你買!等你食!當中包括米芝蓮食店、星級餐廳、本土特色美食,睇下myCOOKey有咩推介! 中環年宵2.0「Mart in Hong Kong」 地點:中環海濱(鄰近摩天輪位置) 開放時間: 上午11時至晚上6時(1月24日) 上午11時至晚上11時(1月25日至27日) 入場費:全免 查詢:3521 0581 網址:www.martinhongkong.com 場內美食攤檔有近30個選擇,例如米芝蓮街頭美食區,呢區啲美食一啲都唔貴,大家可以食到18座狗仔粉、招牌火鴨翅。肥姐小食店嘅生腸、豬心等,又或者佳佳甜品嘅中式糖水。 香港以外嘅美食,推介來自日本食鳥協會嘅炸雞同烤雞中翼,啲雞肉產品香港未有得賣架!屆時香港推廣大使Kei San仲會即場示範日本雞理,一定香噴噴啫! 其他創意推介有Noodle and Dog嘅腐乳狗(熱狗)同梅菜肉腸;Le Canelé d'Or嘅Canele;另有泰國、墨西哥、愛爾蘭美食,真係食勻世界各地。除左Ideology嘅優質咖啡,仲有雞尾酒、葡萄酒及啤酒俾大家佐餐。 介紹完美食檔,不如又逛逛乾貨區!有謝霆鋒嘅鋒味曲奇、廖偉雄嘅燦嫂燕窩,買黎拜年啱晒,歐洲雪糕品牌DIONE雪條就可以邊行邊食。 唔好錯過場內遊戲攤位「Rainbow In The Mart」,用$10換兩個代幣去擲彩虹遊戲板,即有機會贏來回機票架及名貴禮品!歐洲Hannah為呢次活動設置LED許願樹,影相打卡兼許願,一舉兩得。   你或有興趣的文章: 銅鑼灣小食榜 人氣3甲! 港島夜市 食薯片手抓餅!  
2017-01-17,週二
老化係人體必經過程,想延緩衰老,需要強化免疫力及提高對抗自由基嘅能力, 飲食上多攝取富含抗氧化維他命A、C、E食物, 含豐富維他命A食物包括紅蘿蔔、木瓜、芒果、番茄, 維他命C食物例如橙、西柚等,維他命E食物如穀物、堅果類、豆製品等。 人參養榮湯 材料:人參、遠志各14克,甘草5克,當歸12克,熟地黃8克,茯苓、白芍各12克,大棗10個。 做法:所有材料放入鍋中,加入6碗水,大火煮滾,以小火燜煮至水量減少一半即可熄火,即可飲用。 功效:補虛、補氣、補血,對於面色槁素、無光澤,身體疲倦無力、手足發麻等氣血不足症狀,具舒緩作用。 蓮藕蘋果排骨湯 Click圖即睇食譜 功效:養顏抗衰老、活血、促進新陳代謝。蓮藕味甘性寒,有涼血散瘀,止渴除煩的作用。 山藥紅棗排骨湯 材料:排骨600克、冬菇1/2杯、水8-10杯。 做法: 1.排骨洗淨,放入熱水中汆燙,去除血水,撈出洗淨,瀝乾水分。 2.紅棗洗淨,表面用刀輕輕劃過,較容易煮出味道,冬菇洗淨,略泡一下備用。 3.鍋中倒入8-10杯水,放入燙過的排骨及其他材料,加入調味料,移入電鍋燉煮約1小時,取出即可食用。 功效:滋補養身、強化骨骼,山藥可抑制細胞生長,能防癌、抗氧化,促進細胞新陳代謝,提升肌膚保濕能力,補充體內荷爾蒙分泌不足的功效。 圖片來源:互聯網   你或有興趣的文章:茄子點煮唔變黑?   今晚在家煮乜好:6款宴客意頭菜DIY
2017-01-17,週二
臉部、手腳浮腫聽得多,原來大腸都會水腫! 有日本醫學教授指出,大腸水腫會令小腹凸出、出現「肚腩仔」。 要為大腸去水腫唔難,一種普遍又隨手可得嘅食材就得,你同我嘅廚房都搵到! 甚麼是「大腫水腸」? 小腹凸出通常因為脂肪積聚,但有日本醫學教授則提出「大腸水腫」亦是原因之一。 血液把水分運送到身體各個部分的細胞,同時帶走不需要的水分。 血液流動過慢的話,會令不需要的水分積聚;當大腸位置囤積較多不需要的水分,便會引起水腫使小腹凸出。 壓力過大、運動量少、暴飲暴食和血液循環不佳,都有機會導致大腸變得浮腫。   生薑好使得! 要擺脫「大腸水腫」可以利用一種非常容易買到的食材—「生薑」! 它不但驅寒、止嘔和治療傷風,亦有助促進血液循環,這不是正好解決因血液運行速度緩慢而出現的「大腸水腫」問題嗎? 而且,生薑有暖身排毒效果,女士們十分適用! 生薑朱古力 材料︰熱水200ml、純可可粉5克、生薑蓉(連皮) 5克 做法︰於熱水中加入純可可粉和生薑蓉拌勻即可,也可以加少量蜜糖調味。 *生薑皮含有消水腫作用,磨生薑蓉時毋須刻意先去皮。 你或有興趣的文章:3大肉桂食療 活血止經痛   今晚在家煮乜好:轉天氣 滋補糖水潤一潤
2017-01-16,週一
爆料手卷大滿足 有時行開街又未到食飯時間,都想買啲小食醫下肚,要飽肚又唔熱氣,唔一定食咖喱魚蛋同炸嘢嘅,唔好見呢間熊築地細細間,由朝到晚都有人等,點解呢,因為即點即食,所以手卷入口個陣,紫菜仲脆卜卜,重點係料足,價錢最平十幾蚊就有交易,你話係邊度揾! 最抵食又好味,一定係長期位於人氣榜首既海膽手卷,$48就可以歎到日本馬糞海膽,又或者加拿大海膽,想豐富啲可以加錢加多一層,甚至兩層。店員話想口味濃郁啲,可以揀加拿大海膽! 另外仲有蟹霸手卷($32),當中選用松葉蟹,啖啖蟹肉之餘,仲有蟹鉗,真無唔講得笑!另外推介龍蝦膏手卷($27)同龍蝦沙律($20),如果同三文魚手卷($13)同活帶子手卷($20)相比,咁呢幾款絕對抵食! 店內仲有即開生蠔食,最平$13起,$29就可以試到法國Gillardeau,最少叫半打,大食嘅仲可以叫Combo自由組合,例如法國及其他地方既時令生蠔,咁就可以試多幾款喇!同埋呢間鋪開到好夜,想食宵夜既朋友記得去喇!   熊築地 地址:銅鑼灣告士打道276號地下4號鋪 蜜瓜包冰火享受 唔知世界第1好味既美食係咩野?唔緊要,只要知道世界第2好味係雪糕蜜瓜麵包就得喇!只要去過日本既朋友都知道呢間人氣小店,而家响香港想試去銅鑼灣就得嘞!呢間店獨沽一味就係賣蜜瓜包($38) ,有抹茶、朱古力、雲呢拿三款味道比你揀,最近新加期間限定既石板街同Cookie & Cream,講番個包,究竟有幾正?店員係出爐既蜜瓜包中間切開,再夾入雪糕。 小編親試個刻,個包仲燙到「辣手」,咬落去個刻,又冷又熱,唔使30秒就KO咗個包,眼見所有人即買即食,終於明白阿媽平日話趁熱食係點解喇!提提大家,星期六日成日都要排長龍,想食趁早!   世界第2好味雪糕蜜瓜麵包 地址:銅鑼灣景隆街15-27號地下1A號鋪 雞蛋仔層出不窮新口味 無論係香港人定遊客,雞蛋仔長期處於小食人氣榜三位之內。新鮮熱辣有蛋味,一啖一粒,而家仲愈出愈多口味,今次介紹呢間點解會突圍而出?介紹完你就知! 呢間店有雞蛋仔同格仔餅賣,人氣3位分別係流心蜂蜜雞蛋仔($23)、宇治金時雞蛋仔($25)同積及橙朱古力雞蛋仔($23) 。另外小編心水推介土鳳梨酥雞蛋仔($28),你以為雞蛋仔一味死甜,咁你就估錯喇!中間既鳳梨微酸帶甜,估唔到同雞蛋仔咁夾,一個人食吓食吓就食完。 其他特別口味仲包括:香濃羅宋湯雞蛋仔($23)、伯爵雞蛋仔($23)、肉鬆蝦乾雞蛋仔(分辣同勁辣兩種口味,各$23) 、班蘭雞蛋仔($19),款式之多都有成11款比大家慢慢揀! 至於格仔餅就有4款口味,除咗原味($19),仲有玉桂蘋果格仔餅($28)、金莎朱古力格仔餅($28)、宇治金時格仔餅($25)。強烈推介宇治金時格仔餅,小編平日不太食甜點,但呢款唔死甜,入口綠茶味非常突出,夾入微甜紅豆蓉,同朋友Share最好不過!由於都係即叫即製,製作時間約5分鐘,想食好嘢係要比啲耐性。   Modos摩豆 地址:銅鑼灣景隆街5號聯成商業中心地下3B號鋪   你底有興趣的文章: 尖咀浜燒居酒屋 即燒跳舞鮑魚 銅鑼灣最強參雞湯  
2017-01-16,週一
瑤柱腐皮夾 材料: 鮮腐皮  1張 鮮腐竹  1斤 蝦子  2湯匙 瑤柱  6粒 蒜片  1湯匙 薑片  1湯匙 調味料: 蠔油  2茶匙 生抽  2茶匙 胡椒粉  1茶匙 麻油  1茶匙 紹酒  2茶匙 清雞湯  1 1/2 杯   生粉水(拌勻) 生粉  2茶匙 水  4湯匙 做法: 1. 瑤柱去掉硬枕,用水浸軟,加入薑2片、紹酒2茶匙及水半杯蒸軟,撕碎,蒸瑤柱汁留用。 2. 鮮腐竹洗淨,瀝水備用;白鑊炒香蝦子,盛起。 3. 燒熱油,下蒜片爆香,灒酒,加入蝦子、清雞湯、蠔油、胡椒粉及生抽煮成蝦子汁。 4. 將保鮮紙鋪入長方型的玻璃盒或蒸糕用的塑膠盒底部(兩邊要多預留保鮮紙),整塊腐皮對摺放入,掃上一層蝦子汁,排入一層鮮腐竹,再掃上蝦子汁,再排入一層鮮腐竹,掃上蝦子汁,如此類推。 5. 最後將底部餘下的腐皮摺入包好,最後掃上蝦子汁,用保鮮紙包緊整盒腐皮,隔水蒸1 小時,趁熱用重物壓實,待涼,冷藏一夜。 6. 拿開保鮮紙,將長方形糕狀之腐皮夾切成1 1/2 吋長條,再切成1 吋x 1 1/2 吋塊狀。 7. 燒熱平底鑊,下油用慢火煎香腐皮夾,加入蒜片爆香,下瑤柱、蒸瑤柱汁及餘下的蝦子汁, 慢火煮10 分鐘, 下生粉水埋獻至濃稠,灑上麻油及胡椒粉拌勻,上碟享用。 小貼士: 1. 蝦子用白鑊翻炒,香氣四散,加入蒜片同炒,更可辟除腥味。 2. 每層腐皮間掃上蝦子汁,令腐皮夾有蠔油及蝦子之鮮味。 3. 腐皮夾蒸後趁熱用重物壓實,待涼後冷藏,目的是將腐皮定型成糕狀,容易切成塊。 4. 腐皮價錢比腐竹略貴,若整盒以腐皮鋪排,則需花多張腐皮才可完成,但用腐竹的效果相同,而且方便快捷,價錢也較經濟。     你或有興趣的文章: 點樣煎魚唔會甩皮甩骨? 茄子點煮唔變黑?  
2017-01-17,週二
瑤柱腐皮夾 材料: 鮮腐皮  1張 鮮腐竹  1斤 蝦子  2湯匙 瑤柱  6粒 蒜片  1湯匙 薑片  1湯匙 調味料: 蠔油  2茶匙 生抽  2茶匙 胡椒粉  1茶匙 麻油  1茶匙 紹酒  2茶匙 清雞湯  1 1/2 杯 生粉水(拌勻) 生粉  2茶匙 水  4湯匙 做法: 1. 瑤柱去掉硬枕,用水浸軟,加入薑2片、紹酒2茶匙及水半杯蒸軟,撕碎,蒸瑤柱汁留用。 2. 鮮腐竹洗淨,瀝水備用;白鑊炒香蝦子,盛起。 3. 燒熱油,下蒜片爆香,灒酒,加入蝦子、清雞湯、蠔油、胡椒粉及生抽煮成蝦子汁。 4. 將保鮮紙鋪入長方型的玻璃盒或蒸糕用的塑膠盒底部(兩邊要多預留保鮮紙),整塊腐皮對摺放入,掃上一層蝦子汁,排入一層鮮腐竹,再掃上蝦子汁,再排入一層鮮腐竹,掃上蝦子汁,如此類推。 5. 最後將底部餘下的腐皮摺入包好,最後掃上蝦子汁,用保鮮紙包緊整盒腐皮,隔水蒸1 小時,趁熱用重物壓實,待涼,冷藏一夜。 6. 冷藏完又點呢?未完架!Click呢度食譜下集,睇埋烹調小貼士啦。   你或有興趣的文章: 瑤柱腐皮夾食譜(下) 5大安眠茶 養心好氣色    
2017-01-17,週二
皆因「九井水產」有買手在北海道函館朝市魚市場直接入貨,每周五次直送飛機貨,如金目鯛、八角魚、太刀魚、針魚、 右口魚、鳥貝等會按時令輪流登場。 最重要係這家新店價錢夠親民,好似二人前的浜燒套餐,包新鮮到識跳舞的南非鮑魚、北海道帶子、日本蠔、日本松葉蟹腳及10吋大虎蝦,一枱一爐,仲有專人服侍,都不過是$468。 此外,其他前菜、沙律、刺身、卷物、天婦羅、揚物、串燒、鍋物等也選擇不少,並供應近30款清酒。屋酒屋特設有午市定食,十款選擇由$68-$178起,包括刺身定食、天婦羅定食、魚生飯 、刺身定食等。   九井水產 地址:尖沙嘴諾士佛臺1號1樓  查詢﹕2602 2023    你或有興趣的文章: 港島夜市 食薯片手抓餅! 身份證有「1」 酒店半價食晚餐  
2017-01-15,週日
煎魚可謂考起好多入廚新手,成條魚放上鑊煎好地地, 煎完上碟成條魚哂散,究竟出喺咩問題呢? 1. 瀝乾水分 如果水份滴到油鑊裡,容易引起油爆,亦會「黐底」。 煎魚前需要將魚身上的水份瀝乾,減低油爆的機會。   2. 魚身劃刀 醃大隻的魚之前,需先在魚身上劃兩刀,令魚肉更入味也比較快熟,中小型魚則不用劃刀。 越大隻的魚,則可再適量增加劃刀處。   3. 輕拍生粉 當魚的水份瀝乾後,可輕拍上一層生粉於魚的兩面,形成保護膜, 令魚的表面更乾燥,煎魚時會更上手,更容易煎。   4. 油熱煎魚  煎魚倒油時油量要比平時炒菜的量再多一些,油燒熱冒煙時把魚放在鑊上,輕輕搖晃鑊子可使油均勻地佈滿鑊中。   5. 煎至焦黃再翻面 好多人去到翻面最重要的一步失敗,煎魚時觀察魚的邊緣是否已煎至金黃色, 可輕輕翻起邊緣確認,若怕被油濺到,可先關火再把魚翻面。 更多相關食譜:煎封黃花、鹽煎馬友魚、煎醸鯪魚   你或有興趣的文章:5種食物 對抗肩頸疲勞痠痛   今晚在家煮乜好:雪梨煲湯 潤肺止咳
2017-01-13,週五
仲有兩星期左右過年,myCOOKey準備為大家介紹唔同賀年私房食譜。 今次嘅淮杞螺頭雞湯,集滋陰、明目功效於一湯,仲好鮮甜! 而家買料好方便,因為1月22日至1月27日,大埔運頭塘商場將舉辦年宵市場, 屆時「新記」會推出淮杞螺頭雞湯包,有齊湯料,煲靚湯好方便! 仲有好多一口牛粒、特大虎蝦、刺身級帶子等以展銷價發售,Mark低時間掃貨嘞! 大埔運頭塘年宵 日期:2017年1月22至1月27日 時間:中午12時-晚上8時 地點:大埔運頭塘商場 *1月27日(年三十晚)延長至晚上10時 淮杞螺頭雞湯 材料各具功效: 雞:用佢煲湯,可以攝取其豐富蛋白質,脂肪又比其他肉類少,有益身體。 螺頭:出名滋陰補腎,化痰清肝熱,煲湯有佢份外甜。 杞子:仲要多介紹?就係明目、潤眼,仲可以去肝火。 淮山:有助調節呼吸系統,兼可益氣及健脾。   食譜 材料: 春雞 1隻 響螺 220克 瘦肉 200克 淮山 25克 杞子 20克 薑 3片 水 10碗 鹽 適量 做法: 1.全部材料洗淨,雞斬件。 2.瘦肉、雞件、響螺汆水。 3.煲滾水,加入所有材料,大火滾約半小時。 4.轉慢火滾約2小時,熄火前加鹽調味,即可享用。 小貼士: 如用新鮮響螺,先用熱水稍灼,擦去潺才煲湯。 呢個湯咁正咁易煲,1月22日至1月27日, 黎大埔運頭塘年宵市集,「新記」攤位買湯包啦!   你或有興趣的文章: 旺角食平啲!超值粉麵推介 港島夜市 食薯片手抓餅!  
2017-01-17,週二
經常都聽講,中醫認為每個時辰經氣都走到不同臟腑, 如果不好好注意,臟腑無法工作,身體內的毒素就無法排出了! 這是真的嗎?怎樣才能好好排毒呢?1. 醫師醫師!可否簡介一下各器官的排毒時間? 答:今日蔡醫就要與各位破除一個極大的謬誤與誤解,就是中醫根本就「沒有」所謂各器官排毒的時間! 吓?唔係掛醫師,網上個個都係咁講架喎!冇錯,網上實在充斥著太多不正確的中醫資訊了! 其實,真正的中醫理論,始終強調著人與自然的關係, 所謂天人合一,人體的氣,會隨著一天裡不同時段,集中流注到十二經絡中某一經絡,詳情如下: 深夜11:00~1:00子時,屬膽當令 凌晨1:00~3:00丑時,屬肝當令 清晨3:00~5:00寅時,屬肺當令 早上5:00~7:00卯時,屬大腸當令 早上7:00~9:00辰時,屬胃當令 早上9:00~11:00巳時,屬脾當令 中午11:00~下午1:00午時,屬心當令 下午1:00~3:00未時,屬小腸當令 下午3:00~5:00申時,屬膀胱當令 下午5:00~7:00酉時,屬腎當令 晚上7:00~9:00戌時,屬心包當令 晚上9:00~11:00亥時,屬三焦當令 各位勿慌,看不懂是正常的,因為這是相當高層次的中醫理論,指導著的是某些針灸及用藥的方向,但與所謂「排毒」,根本沾不上邊啊! 而實際上,排毒的定義也相當模糊。病人來診,感冒,醫師一兩劑藥下去,治好了,病好,風寒去了,也可算是排毒的一種啊! 所以奉勸各位,從今就不要對排毒二字過份執著了! 2. 蔡醫,那麼長期晚睡或熬夜,又真會易上火嗎?可吃甚麼清火呢? 答:長期晚睡熬夜,其實虛耗的是人體整體的元氣。 因為一個人沒有按著自然的規律走,長期下去,身體就會漸漸失去平衡,加上生活上的壓力與鬱怒,就確實會生出火來了! 最常出現的症狀,當然是口舌生瘡,或出痘痘啊!此時蔡醫有一妙法,一味菊花稍稍清熱可也! 3. 菊花應該怎樣沖泡才好呢?沖幾耐? 答:菊花的沖泡,其實在時間上相當講究。 在上述的情況下,沖泡時間宜短,加熱水兩至四分鐘左右,待香氣大出,此時藥性偏輕,喝下去清的便是頭面部的熱。 若是沖泡時間過長的話,相對藥性就偏重,喝下去清的便是內在的熱了, 本來脾胃偏寒涼的人,吃生冷東西時易腹痛的人士,就更要小心了啊! 蔡梓銘   香港註冊中醫 香港中文大學中醫學學士,同時兼任電視台、電台主持,亦為專業歌手、旁白。 擅長透過醫術、音樂,為你延年益壽。 [email protected] 圖片來源:互聯網   你或有興趣的文章:唔飲牛奶點補鈣?   更多中醫專題:養肺等於護膚?容光煥發靠哂佢!  
2017-01-12,週四
1. 打蛋要輕輕打,不要產生氣泡 打蛋時,與其他西式甜品不同,只需將蛋打散即可。 打的時候留意筷子尖端不要離開蛋液,貼近碗底較不容易產生空氣或氣泡。   2. 先將蛋汁過濾 入鍋前,如用篩過濾,能夠將打不散的蛋白及雜質去除掉,確保蛋汁嫩滑。   3. 蓋上蓋子入鍋蒸 由於蒸蛋時,鍋內會產生大量水蒸氣,水蒸氣容易滴到蒸蛋表面,造成表面出現蜂窩般的氣泡。 因此茶碗蒸需要蓋好蓋子再入鍋蒸。   4. 大火煮再改中火 茶碗蒸水量多,因此需先以大火讓溫度快速升高,凝固表面,然後再改以中小火慢慢將內部蒸熟。 另外,最好放一根筷子夾在鍋蓋邊,使蒸氣能夠散出去,不會破壞蒸蛋的表面, 而且也可以傾斜鍋蓋,蒸氣在鍋蓋上凝結的水珠就不會滴到蒸蛋上, 所以擺放蒸碗的時候,不要太靠近蒸籠邊緣才能蒸出滑溜茶碗蒸。 海鮮茶碗蒸 Click圖即睇食譜 圖片來源:互聯網     你或有興趣的文章:5大秘訣 煮出軟綿靚粥   今晚在家煮乜好:6大潤燥食譜
2017-01-11,週三