奇華無花果果仁月+Sanrio新品

一到中秋節,講起奇華月餅立即想到Sanrio卡通人物!今年迷你奶皇月禮盒 ($188/4個),有Hello Kitty同My Melody「迷你蛋黃奶皇月」;布甸狗同XO仔「迷你朱古力奶皇月」,奶皇幼滑滋味,同甘香鹹蛋黃或香濃朱古力都匹配。附送手提箱形禮盒及麻布袋,實用別緻。另有Sanrio迷你奶皇月單個裝禮盒,($40/個),燈籠設計夠應節。新品「迷你無花果果仁月」同樣吸睛($248/8個),選用土耳其的無花果乾,味道甘甜,混合椰棗、杏脯、腰果、美國合桃、杏仁和小紅莓,口感極豐富。即日起至10月1日,購買奇華任何產品折實滿$50,即可加錢換購「Sanrio旅行收納袋套裝」一套、防UV雨傘,Fans別錯過。消費折扣後滿$298即免本地運費,送禮更方便!查詢:2785 6066


2020-08-21, 週五
Blesscuit梵高月餅禮盒 買2盒送名茶

曲奇品牌祝奇餅 (Blesscuit Bakery) 今年與Van Gogh SENSES合作推出限量月餅禮盒,有外在美又有內在美,例如盒面有梵高名畫《盛開的杏樹》的「祝‧杏福」禮盒(早鳥優惠$248),內有兩款共六個迷你月餅:蛋黃白蓮蓉及杏仁紅豆,製作成花形,好精緻!現凡購買2盒月餅,即送防疫靈芝生薑祁門紅茶一罐,更可享免費送貨服務!另有「祝‧幸福」曲奇禮盒,以梵高的《向日葵》為盒面設計,內有金鑽松露、煙燻火腿、黑椒巴馬臣芝士、鯷魚四款口味曲奇($268),亦是送禮好選擇。查詢:8228 3381、訂購月餅:bit.ly/mooncakes2020


2020-08-20, 週四
超幼冬蔭功百力滋登場

百力滋新「脆」味,全新「冬蔭功味超幼百力滋」及「孜然味超幼百力滋」有得食嘞!冬蔭功味酸辣醒神,今次配特製超幼身餅乾條,一次食幾條,更加有滿足感。另一款「孜然味超幼百力滋」香料味十足,孜然常用於肉類調味,配香口的超幼餅乾條,一樣合襯,?間帶來內蒙古風情。新品陸續於各大超級市場及便利店有售,$12/盒。


2020-08-20, 週四
經典+新派 森林麵包店

森林麵包於牛頭角樂華北村商場正式開業,新店由多位大師傅助陣,又在老字號麵包店「新雄雞」落戶,但出品有齊新派和傳統,打卡一流!經典選擇包括沙翁、雞尾包、椰絲奶油包等,每日新鮮製作。創新之選是不同口味的至「脆」菠蘿方包,有黑芝麻湯圓、宇治抹茶紅豆及紫薯三款口味。另有每日限售100個的特製飛碟包,以OREO、阿華田、鷹嘜煉奶及宇治抹茶味製成流心餡,味道不同,但款款都滑溜。喜歡芫荽的朋友不要錯過芫荽蒜蓉包,師傅特別以自家培養的新鮮酵母製作,包身飽滿,味道香濃。


2020-08-18, 週二
酒店迷你貓山王榴槤月餅

極受歡迎嘅滿福樓「迷你貓山王榴槤月餅」又黎嘞!用馬來西亞「貓山王」製作,榴槤香味撲鼻而來,每啖都香滑軟綿綿,$438/盒,限量供應500盒咋,8月11日至9月10日預購,即享75折優惠,再於9月23日至29日期間換領。同步推出地道「迷你蛋黃白蓮蓉月餅」、清香「迷你斑蘭蛋黃月餅」,輕巧的骰,$308/盒。特別為大家準備了「滿福樓招牌迷你月餅」,內有迷你蛋黃白蓮蓉月餅、迷你斑蘭蛋黃月餅各三件,$318/盒,可以一次過試齊兩款口味,現在訂購,亦享65折優惠。查詢:2802 8888 / 預訂:https://www.buys.hk/renaissance-harbourview/


2020-08-14, 週五
自取78折!創新即食火鍋

主打外賣火鍋嘅一鍋堂,新出即食「抗疫自煮鍋」,在特別設計嘅餐盒加入發熱包及注入清水,蓋上盒蓋,即會自動加熱。自選湯底夠晒多選擇,包括麻辣湯、杏汁豬肺湯、韓式泡菜湯、沙參肉竹鯊魚骨湯、養生藥膳湯、紅菜頭姬松茸黑豆湯等。火鍋配料就有5款組合,鍾情牛的可試試一鍋牛魔王鍋,內有安格斯牛肉、封門柳、牛利心托、潮州爽彈牛丸、安格斯牛粒、鴨血、花膠、蔬菜等,再可選配飯、粉絲或蕎麥麵。另有一鍋豬豬滋補鍋,由西班牙栗飼豬、手打潮汕豬豬丸、豬粉腸、豬肚、豬潤、豬肺、豬肉扎等組成。其餘部隊鍋、素菜鍋、原味道鍋又是否你的心水?現惠顧兼外賣自取可享78折,買任何套餐再送自家製有營花果茶一支。查詢:8300 2868


2020-08-13, 週四
恆香 X G.O.D八星報喜福袋

恆香100周年嘞!所以推出經典復刻版「八星報喜」月餅禮盒,兼與G.O.D聯乘出福袋同慶中秋,節日價$488起,有型有款!「八星報喜」由八款傳統月餅組成,包括五黃白蓮蓉、迷你蛋黃白蓮蓉、迷你蛋黃蓮蓉、迷你蛋黃紅豆沙、迷你金華火腿伍仁、迷你陳皮紅豆沙、低糖迷你蛋黃白蓮蓉、迷你伍仁月,由煮餡、製皮、包餅到烘焗都一絲不苟。福袋除了八款月餅,還有三和茶、G.O.D購物袋、杯、茶隔等。鍾情流心奶黃月餅及雞蛋卷,則可選細嚐原作滋味福袋。旅遊手信福袋更加豐富,除了迷你蛋黃白蓮蓉月餅,還有雞蛋卷、湯包、粉麵、小吃,非常適合送禮。8月13日至17日於恆香網店選購,只需$428起!


2020-08-10, 週一
新登場!流心芝士月餅

流心月餅熱潮停不了!美心今年首度推出「流心芝士月餅」,連同其他組合「流心四式月餅」、「流心雙式月餅」及「奶黃雙式月餅」滋味登場。「流心芝士月餅」用經典北歐高打芝士製成,帶輕巧鹹香味道。「流心四式月餅」更可以一次過品嚐皇牌「流心奶黃」、「流心朱古力」、「流心焦糖咖啡」及新的「流心芝士」,超級滿足!另有多款卡通禮盒,主角包括變裝三眼仔、立體Q版MARVEL超級英雄、迪士尼公主,其中「鐵甲奇俠系列」月餅禮盒,盒面的鐵甲奇俠還可以發光呢!現凡用指定信用卡購買節日產品,更可享六折優惠。查詢:2010 1333


2020-08-06, 週四
外賣酒店美食低至半價

外賣食好啲,同自己加加油!第一時間推介香港萬麗海景酒店嘅中西美食,例如Mirage Bar & Restaurant供應嘅澳洲Stockyard黑安格斯西冷牛扒、香烤比目魚柳,肉類、海鮮都有水準!萬麗咖啡室就首選海南雞飯,啖啖肉;喜歡印度風味推介香辣羊肉咖喱,惹味之選。滿福樓菜式就更豪氣嘞,金榜開邊龍蝦、焗釀蟹蓋、蠔皇原隻吉品南非乾鮑等都可以外賣,用指定信用卡仲有半價優惠。以「開飯喇」或「戶戶送」訂購三間餐廳美食,亦享折扣優惠。查詢:2802 8888


2020-08-05, 週三
TCA Gourmet半自煮美食包

食肆禁堂食,唔想外賣,解決三餐就要靠自己,好彩有TCA Gourmet幫手!The Coffee Academics最近透過TGA Gourmet平台,推出超過30款半熟美食包,全部由品牌大廚設計,每款$68起!份量分4種,包括一人份的S、二人份的M、三至四人家庭享用的L及多人享用的XL,以配合不同人數需要。菜式不乏餐廳招牌作,例如原隻波士頓龍蝦包、西班牙海鮮飯,以及用品牌的摩卡咖啡醃製的慢煮咖啡伊比利亞豬扒,肉類還有威靈頓牛肉卷、烤乳豬,食材已半熟,再烹調至熟透即成,備有影片教學,新手亦可速煮好菜,仲可選自取或送貨,入廚變得好方便。查詢及選購:Whatsapp 5508 8735


2020-07-30, 週四
有選擇困難症的朋友去幫襯新張的聰記車仔麵,一定好頭痕!因為實在太多選擇,單是麵底就有十三款、湯底又有七款,餸料甚至超過五十款。最低消費兩餸一麵都係$30,鮑汁花膠做餸都係$33!價錢平民化,難怪贏盡街坊掌聲。 聰記車仔麵老闆謝展聰一向從事飲食業,有感車仔麵極富香港特色,而且多空間發揮,例如餸料,蘿蔔、豬皮、芝士腸固然齊備,店內還有多款坊間少見的誠意之作,推介大家一試芫荽韮菜花餃,帶爽脆口感,清香味道亦相當出眾。嗜辣的話必試招牌辣肉碎及雲南腩肉,前者以半肥瘦豬肉炒製,精髓是加了香港少有的雲南醬同炒,香辣刺激。 另一賣點是鮑汁花膠,老闆透過朋友,以超值價買到花膠,他亦藉此機會益街坊,跟車仔麵點選,鮑汁花膠每份$12咋!滑溜彈牙,非常受女士歡迎。滷水餸料亦精彩,聰記的滷水汁,加了可樂提升鮮味,滷水膽又會每天加入新材料熬煮,味道更富層次,所以滷出來的金錢肚、大腸、雞翼、雞腎等,都帶醇醇的滷水陳香。 至於湯底,是熬了十多小時的鮮濃高湯膽,配上麻辣汁、腩汁、滷水汁、咖喱汁、沙嗲汁,即成惹味湯底。大家亦可選清湯或番茄湯,適合配不同餸料。別忘了吃麵時,加入自家炒製的菜脯,鹹香爽脆,愈食愈開胃。即日起至7月31日,凡惠顧全單九折,消費滿$50可獲贈招牌菜脯一樽。 聰記車仔麵 地址: 旺角廣華街2-20號翠園大樓二期地下8號舖   你或有興趣的文章: 【味之大賞 香港】用心製作 迎難以上 港原味 【陳家廚坊煲湯系列】雞腎、雞胗大不同 落腎煲湯有腥味  
2020-07-16,週四
煎牛扒好食,焗都唔差架!將肉與軟腍嘅肉眼扒切粒入爐焗,可以保留豐沛肉汁,用錫紙包住焗,更加係無油煙、易清洗! 材料: 愛爾蘭優質天然有機肉眼 227克 薯仔(新薯) 3-4個 紫洋蔥 半個 鹽 適量 胡椒粉 適量 新鮮百里香 1束 錫紙 適量 巴馬臣芝士碎 1/4 杯 煙肉碎 2湯匙 蔥花 適量 蒜蓉牛油 50克 蒜蓉牛油做法: 牛油 50克 蒜蓉 2湯匙 *蒜蓉牛油混合,放入微波爐加熱20秒至牛油熔化。 做法: 1. 肉眼扒抹乾,切塊,下鹽和胡椒粉,醃半小時。 2. 將一半蒜蓉牛油與肉眼扒拌勻。 3. 薯仔烚半小時,切角。紫洋蔥切碎,備用。 4. 把餘下的一半蒜蓉牛油,加入薯仔及洋蔥拌勻。 5. 預熱焗爐至200度。 6. 肉眼扒、薯仔、洋蔥、新鮮百里香用錫紙包好。 7. 放入焗爐焗15分鐘,反轉整個錫紙包,再多焗10分鐘。 8. 打開錫紙包,加入芝士碎再焗3分鐘。 9. 焗好後灑上煙肉碎和蔥花。   你或有興趣的文章: 【健康好煮意】開胃話梅山楂排骨 百變飯煲菜 蝦仁番茄豆腐湯  
2020-03-31,週二
Lunch Hour明顯多咗人叫外賣或帶飯,為咗冇咁悶,不時轉下口味咯!好似韓國即食雞肉品牌Rankingdak,推出咗好多叮叮雞肉新品,足不出公司,都可以食到小籠包、人蔘雞湯飯,在家工作都啱架! Rankingdak的食品主打健康、低脂、低卡,不過健康得來不減惹味,例如新品雞胸肉小籠包,有原味、泡菜味、燒肋骨味揀(各 $35),低脂雞胸肉餡唔肥膩,兼有彈牙口感,配薯粉製成的外皮,口感煙韌。 特別推介山蔘雞湯飯($79),有湯又有飯,湯底用雞腳熬煮,帶回甘味道,不過濃。配料是手撕雞肉、山蔘及初芽GABA糙米,有質感卻不鞋口,加上有熱湯飲,特別受OL歡迎。 如果只想加味佐飯好菜,醬汁雞胸片最適合不過,有番茄味、燒烤味、蒜味三款(各 $30),香濃又不會似柴皮,頗有驚喜。建議配搭杯裝蒟蒻米炒飯(各 $35),配料超多,可以揀不辣的蘑菇蒟蒻米炒飯,或特辣雞肉蒟蒻米炒飯,同樣好味。唔想叮,Rankingdak部份產品可以熱水浸同煎煮。   Rankingdak 網上商店: www.rankingdak.com.hk   你或有興趣的文章: 【健康好煮意】開胃話梅山楂排骨 開飯!日式薑蔥焗蠔飯DIY  
2020-03-27,週五
將軍澳Spot Mart同TKO Spot優化後全新登場!佢哋係區內唯一以健康生活及文化作定位嘅商場同街市,有得行、有得食仲又得玩。TKO Spot內的小食檔,更是焦點所在。因為優化後,場內引入多達50個小食檔,完全滿足為食一族嘅掃街癮。 食店選擇包括日式美食「日和屋」,親民價錢提供多款特色手卷,店舖更營業至深夜,是名符其實的「深夜食堂」。另有「師父仔」,各式地道街頭小食應有盡有,必試每日限量鮮製手工粉果,以及足料鯪魚肉煎釀三寶。甜品亦係不可少,「糖將軍」自家製嘅芋圓軟糯煙韌,主打台式甜品特飲,正中大家所愛! 至於鮮活街市Spot Mart,有專售本地及入口蔬菜的「恩田蔬菜」、提供各地無激素高質素肉品的「Mr Beef」,貫徹健康生活主題。細心留意,Spot Mart內加入了藝術元素,由插畫家Vivan Ho以新鮮和動感為題創作壁畫,為鮮活市場增添活力氣氛!   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒
2020-03-23,週一
一聽焗蠔飯,好似好複雜,其實烹飪新手都煮到,最緊要生蠔洗得夠徹底。記得添多碗飯,佢先係精髓,加咗蠔汁同煮,鮮味無窮。 材料: 日本廣島蠔2L(急凍) 10隻 米 360克  薑絲 20克  水 360克  鹽 適量 生粉 適量 醤油 3湯匙 清酒 3湯匙 味醂 2湯匙 蔥粒 適量    做法: 1. 米洗淨備用。 2. 用生粉及鹽搓洗生蠔,沖淨後印乾水分。 3. 水、清酒、味醂、醬油倒入煲內煮滾。 4. 加入生蠔,中火煮約3分鐘。 5. 蠔汁加入白米一同煮成飯。 6. 薑絲及生蠔置飯面焗10分鐘。 7. 加適量蔥粒在飯面作裝飾。   你或有興趣的文章: 速學!百搭橙香汁 啱配豬羊雞(附烤肉架食譜) 【女煮人Kinki系列】意式蕃茄一口多士  
2020-03-19,週四
位於台灣宜蘭的逢春園渡假別墅,不時為住客舉辦烹飪工作坊,教整特色美食。之前教大家整過棒打綠豆糕(食譜重溫),今次學埋南瓜慕絲蛋啦!營養豐富又易整,最適合同小朋友一齊DIY!   逢春園曾兩次獲得HotelsCombined全球旅宿卓越大獎、Tripadvisor優良民宿獎: https://fengchunvilla.com.tw/ 材料: 南瓜、沙律醬、芝士、芫荽 各適量   做法: 1. 蛋烚熟切半,取出蛋黃。 2. 南瓜蒸熟去皮。 3. 蛋黃、南瓜、芝士及沙律醬混合。 4. 把蛋黃醬唧在蛋白上,放一片芫荽裝飾。   你或有興趣的文章: 宜蘭民宿私房食譜 棒打綠豆糕 一「飯」煲搞掂 豉油雞翼蒜香飯  
2020-03-17,週二
如果煲湯材料有肉類,最好先汆水,煲走黏附在肉面嘅雜質同血污。汆水唔係就咁放舊肉入水就得嘅,要撇下泡,過埋冷河,而家Step By Step示範俾你睇啦!   1.熱水加入肉類 2.略滾後撇走水面白泡和雜質 3.夾起肉類過冷河   食譜: 海帶杞子豬骨湯 黑豆墨魚豬展湯 雞骨草蜜棗煲豬骨     你或有興趣的文章: 一「飯」煲搞掂 豉油雞翼蒜香飯 【陳家廚坊煲湯系列】煲湯落薑 去皮?連皮?  
2020-03-17,週二
用飯煲烹調菜式真係好方便,煮飯淥麵連滾湯都得,好似呢款蝦仁番茄豆腐湯,分次放入材料,滾番起就飲得!仲可以重溫用飯煲焗豉油雞翼兼煮飯(按此)或者煮日式咖喱烏冬(按此),一樣快靚正又香噴噴。 材料: 番茄 1個  豆腐 1/2盒  蝦仁 6隻(約60克) 蒜頭 2瓣  乾蔥(切片) 1粒 蔥(切粒) 1條 清水  500毫升     做法: 1.番茄、豆腐、蝦仁切粒。 2.開啟煮飯程式 加適量油。 3.放入乾蔥爆香。 4.加入番茄煮至軟身,加清水。 5.蓋上蓋焗煮10分鐘。 6.加入豆腐,滾起加入蝦仁。 7.滾2分鐘,落鹽調味。 8.烹調至煮飯程序完結。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-24,週二
上星期介紹過用飯煲焗豉油雞翼兼煮飯(按此重溫),今次用飯煲整咖哩烏冬,一樣快靚正又香噴噴,仲可以放喜歡嘅餸料一齊煮汁。 材料: 烏冬 1包 中型薯仔 1個 蘑菇 4粒 豆卜(切半) 4粒  小茄子 2個 蒜粒 2瓣 清水 750毫升 酒 適量 牛油 1角   調味料: 咖喱磚 2粒 白醋 1茶匙   做法: 1.薯仔洗淨、去皮、切粒。 2.茄子洗淨、切粒,浸於鹽水中待用。 3.蘑菇洗淨,切粒。 4.咖喱磚加少量開水拌勻至汁狀。 5.開啟煮飯程式,加適量油,爆香蒜粒。 6.加入牛油煮溶。 7.放入蘑菇,煮約30秒。 8.加薯仔、茄子炒勻,焗煮約1分鐘至滾起 9.加入豆卜及清水,蓋好蓋煮至滾起。 10.拌入咖喱汁,煮滾後加白醋調味。 11.加烏冬,蓋好蓋煮至程式結束。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-17,週二
羊扒唔一定配薄荷汁,醒胃嘅橙汁同羊味都好夾架,加上天氣濕黏黏的,一齊黎開開胃啦! 材料: 法式羊架 8支骨(約600克) 雜色燈籠椒 200克 蒜頭(切碎) 4瓣 蒜頭(切片) 4瓣 鮮橙(取汁)  3個 新鮮百里香 15克 海鹽 適量 黑胡椒 適量   做法: 1. 羊架用海鹽、黑胡椒醃透。 2. 燈籠椒切小塊。 3. 爆香蒜頭、燈籠椒。 4. 落鹽調味。 5. 熱油放入羊架,煎至外層轉色。 6. 預熱焗爐至180度,焗30分鐘。 7. 羊架回鑊,加蒜頭、百里香、橙皮。 8. 加入橙汁拌勻。 9. 伴橙汁品嚐。   你或有興趣的文章: 【女煮人Kinki系列】意式蕃茄一口多士 一「飯」煲搞掂 豉油雞翼蒜香飯  
2020-03-16,週一
一個飯煲令你變大廚!唔使多功能飯煲、唔使廚藝了得,用最基本嘅煮飯程式,已經可以煮到靚餸同煲湯,好似呢味豉油雞翼蒜香飯,步驟簡單,唔使睇火,一人簡餐之選! 材料: 雞翼 1/2磅 白米 1杯 清水 1杯 蒜頭(切片) 4瓣   調味料: 生抽 1茶匙 老抽 1茶匙 陳醋 1茶匙 砂糖 2茶匙 紹興酒 2茶匙   做法: 1. 白米洗淨瀝乾,加入蒜片及清水,蓋上蓋,開啟煮飯模式。 2. 雞翼洗淨瀝乾,拌勻調味料,用來醃雞翼30分鐘。 3. 白米煮約5分鐘後,加入雞翼,繼續煲煮。 4. 煮飯程式結束後,再焗10分鐘即成。   你或有興趣的文章: 【一人簡餐】30秒學整芝味蛋多士杯 加咖喱粉調味 薯仔蛋沙律有驚喜  
2020-03-11,週三
冇心情岀街?又唔想買餸煮飯?食住家飯食到悶?一文教你在家如何食盡各地美食!咪就係叫外賣囉! 和平飯店 經典正宗滬、京、川菜館「和平飯店」因應疫情,推岀網上訂餐平台服務,油塘店和V Walk店推岀全日指定外賣餐牌自取半價優惠,心思思想食個小籠包都冇難度。在附近上班的朋友Lunch Time亦多個選擇,上網提早預訂慳錢又慳時間。   和平飯店 地址:油塘高超道38號大本型2樓237號 / 深水埗V Walk 2樓L2-26號舖 訂購連結:https://qrgo.page.link/bk3JB Ruby Tuesday 半價優惠停不了,美國菜餐廳Rudy Tuesday相信無人不曉,餐廳現在推岀外賣自取單點食品半價!用一半價錢就能品嚐到地道美國菜,限時雙重優惠下,消費$500以下將獲贈$50堂食美食券,滿$500更可獲手機版360日特惠通行證會籍!   Ruby Tuesday 分店查詢 板長寿司 壽司專門店「板長寿司」推岀外賣自取折扣,會員8折,非會員亦可享85折,如折實後消費滿$1,000,更隨單送梅酒或清酒一枝,終於可以食日本菜了!   板長寿司 訂購電話:3766 3766 圃鍋 又係打工仔福音,灣仔區私房菜「圃鍋」新增外賣套餐系列,白飯加餐湯$65起,訂3個餐或以上即提供區內外送服務,套餐有齊中式、日式選擇,店家更會隨餐附送酒精搓手液和口罩,十分貼心。堂食火鍋有7折優惠! 圃鍋 地址:灣仔軒尼詩道314~324號W Square 4樓 電話:2891 8689  牛角 以為屋企無燒烤爐就食不到燒肉?日式燒肉人氣食店「牛角」繼推岀「帶回家」燒肉套餐低至8折優惠,4人份會員價只需$737.1便可享用7款烤肉、共11款烤物、招牌牛角飯、香蔥温泉玉子飯和飲品。配合套餐推廣,3月前購買$3,500的「帶回家」燒肉券套裝,即可帶走價值$1,800的光波燒烤爐!家中已備有烤爐則可選擇即時扣減$1,000優惠。   牛角 優惠詳情:http://bit.ly/2PrasRy  寬巷子 台灣過江龍「寬巷子」,主打台式火鍋,創意配料賣相精緻,玫瑰松板豬尤其岀名,有「藝術火鍋料理」之稱,是台北有名的火鍋店。「寬巷子」在疫情下設火鍋外賣服務,只要在下午5時前下單,即晚就能食到地道的台式麻辣火鍋!速遞火鍋享7折,消費滿$1,000,九龍區内免費送貨,選擇自取更低至半價!   寬巷子 地址:海港城海運大廈地下 OTG57舖 電話:3188 2840   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒      
2020-03-20,週五